Isayas 14:25 - Hanunuu

²⁵ Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 14:25 Iomraidhean Croise

2 Krunika 32:21

Ag nagpadara anghil ti Panginuun imaw ti nanruris sa maisug pag manga sundalu, manga kumandir, ag manga may kangaranan sa kampu hari sa Asirya. Nakan nuli si Hari Sinakirib, nangay-a gid. Ag pagka nagsaka siya sa balay niya diyus-diyusan, minatay siya niya iba ka manga anak sa panab-anan baladaw.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 14:5

Tinapus yi Panginuun ti kapangyarihan manga daut pag manga takinan.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 52:2

Danga yi kawu maruku parihu sa manga tawu magpanrukuan matukawan sa daga. Pagbangun yi kawu ag utru pagdumara. Ag kamu pag manga nasakupan Hirusalim, palpasi yi niyu kanyu sadili ginan sa pagkabihag.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Isikil 32:22

“Ati diman ti nasyun Asirya magkapalibutan lulubngan niya manga sundalu nagkaramatay sa girahan. Kanda manga lulubngan ati sa pinaka-abasad baliwa. Inda pag manga nasakupan pagkadalaan kaybi manga tawu nagkaramatay sa girahan.

Isikil 39:4

maruris kawu ati sa manga bantud Israil ag ti tanan nimu sundalu, hanggan ti tanan kaibahan nimu pag manga nasyun. Ipatinduk niku kanyu manga bangkay sa tuhay-tuhay pag kalasi manuk magkaun bangkay hanggan sa maraisug pag manga hayup.

Mikas 5:5

Pakan-an niya mayad pag kahamtangan kay manga nasakupan. Nu girahun manga taga Asirya kanta nasyun ag suldun ti mapag-un pag bahagi nita banwa, labanan nita sida sa pangunguna nita manga anad pag takinan.

Mikas 5:6

Taluhun nida ag sakupun ti Asirya, ti rugar ni Nimrud, sa panab-anan nida manga armas. Nakan iribri nida kita nu girahun manga taga Asirya kanta nasyun.

Nahum 1:13

Nakan taynguna palpasan niku kamu ginan sa kapangyarihan manga taga Asirya.”

Sakaryas 10:11

Dumipay sida sa dagat mabalud dapat kumalma di ti manga balud. Una ti Sapa Nilu mak-at di. Ti pag-ipadayaw-dayaw Asirya umababa ag ti kapangyarihan Ihiptu madura di.