Isayas 14:18 - Hanunuu

¹⁸ “Ti tanan hari sa kalibutan mahuwayan may kadayawan sa kanda marinu gid pag kalubngan.

Isayas 14:18 Iomraidhean Croise

2 Hari 9:35

Dapat pagka bul-un yi nida kay bangkay hampay ilubung, unman yi may nasawad sa kanya, purya lang kay barut-ulu, manga lulud, ag manga kamang.

2 Krunika 24:16

Ilinbung siya sa kalubngan manga hari sa Banwa ni Dabid, dahil sa mayad pag manga binwat niya sa Israil para sa Diyus hanggan sa Balay Diyus.

2 Krunika 24:25

Pag-ighit manga taga Aram, natayak may biyag si Huas. Dapat nagkausa kay manga may kangaranan, matyun nida siya dahil sa pagmatay niya sa kay anak ni Hihuyada. Nakan minatay ngani nida siya sa kay igyaan. Ilinbung siya sa Banwa ni Dabid, dapat balaw sa kalubngan manga hari.

Hub 3:14

kaibahan ti manga hari ag manga takinan sa kalibutan nagpatindug balay hari kuntay nagba yi kainda.

Hub 30:23

Alam niku pagdaran-un nimu aku sa ulian manga namatay, sa ulian itinagka nimu atagan tanan manga tawu.

Manugtudlu 12:5

Magkadala yi kawu magdayik sa abwat pag rugar ngatay maglakaw usa-usa sa karsada. Manlagti yi kanmu manga buhuk ag madura yi kanmu kabisugan hanggan manga pagkaibgan. Aban sa uryan, atabug yi kawu sa kanmu ulian unman may katapusan, ag mayamu ti manrukuan sa kanmu sa manga karsada.

Manugtudlu 6:3

Kang masabi mas mayad waya ti usa ka lapsag iinanak tigbak kaysa tawu nabuhi ngani dugay ag nagkaanak mayamu, dapat unman nakalakaw kasulungan sa kay buhi ag ilinbung waya balaw mayad.

Isayas 14:17

Bukun aw siya ti nanwayak manga banwa, binuwat ga pangawakawaan ti kalibutan, ag unman pinalpasan kay manga binihag?’

Isayas 14:19

Dapat kawu, iyamut kanmu bangkay parihu sa sanga unman may pulus. Balaw kawu ilbung sa kanmu lulubngan, nu unman ilagpak kawu sa mabatu pag ukang bag-u tap-ukan kaibahan manga bangkay manga sundalu namatay sa girahan. Miparihu kawu sa bangkay pagtatatataan manga tawu.

Isayas 22:16

“Si unu kawu hampay mangali sa habig bantud hampay magbuwat lulubngan kaibahan ti manga pagkilalan-un? Si unu ti nagpakaun sa kanmu karampatan kuntay buwatun inda?