Isayas 13:9 - Hanunuu

⁹ Pagpatingi kamu! Rumas-ug yi ti sirang Panginuun, ti sirang kahigpitan ag masyadu pag pangagalit. Gubaun ti daga tugka sa udyi maulianan, ag ti manga mag-uli ati pag manga makasalanan rurisun.

Isayas 13:9 Iomraidhean Croise

Kanta 104:35

dapat ti manga daut ag makasalanan rurisun sa kalibutan ag unman yi sida makitan. Dayawun niku ti Panginuun buu tagipusuun. Dayawa ti Panginuun!

Kabagawan 2:22

Dapat ti manga daut pag tawu ag maradaya palayasun. Pangayitun sida parihu sa manga ilamnun.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 34:8

Dahil ti Panginuun may itinagka sirang mamalus sa kay manga kalaban hampay awatan ti Siun.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Isayas 66:17

Magkun ti Panginuun, “Mirinsan mamatay ti tanan magpakabanal ag maglumpiyu kay sadili sa magsamba sa kanda manga diyus-diyusan sa halamanan. Mamatay sida magkaun babuy hanggan angbu, ag tuhay waya pag manga pagbugyahan pag karan-unun.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Isikil 13:5

Unman nida pagpaandaman ti manga tawu. Ga parihu lang sa unman nida pagkaayadun ti nadaut pag manga alad batu Israil hampay tumibay inda pagras-ug girahan, sa sirang pumarusa ti Panginuun.

Isikil 30:3

Dahil arani yi rumas-ug tunda pag sirang, ti sirang pagpihu Panginuun. Magal-um ag madulum tunda pag sirang para sa manga nasyun.

Huwil 1:15

Malu, arani yi ti sirang pagparusa Panginuun Makamaskihan.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Nahum 1:2

Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Nahum 1:8

Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Sipanyas 1:15

Sa ati pag sirang, ipakakit Diyus kay pangagalit. Bumaliw sirang karukuan ag kakurian, sirang pagkarangga hanggan pagkawayak. Bumaliw marurum ag madulum ati pag sirang,

Sakaryas 14:1

Rumas-ug ti sirang pagparusa Panginuun. Ayaw-ayawun niyu manga kalaban ti manga naagaw nida pag kasiyunan ginan sa kanyu manga taga Hirusalim ag kamu mamantay lang sa kanda.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”