Isayas 13:8 - Hanunuu

⁸ ag mangirkirug sa kadalaan. Maungdan nida ti subra pag kakurian parihu sa kakurian babayi magpanganak. Mamarantayan sida sa usa kag sa usa ag manragang kanda manga uyahun sa kay-a.

Isayas 13:8 Iomraidhean Croise

2 Hari 19:26

Ti manga nasakupan manga banwa kanmu pinandaut naduraan bisug; nadala sida ag nangay-a. Parihu sida sa manga ilamnun sa karatagan madali lang magkalayung ngatay sa manga ilamnun magtubu sa atup balay, pagka inmusbul nalayung rargu.

Kanta 48:7

Ipinadamhak sida Diyus parihu sa manga barku Tarsis winayak bagyu ginan sa butlakan.

Isayas 26:17

Panginuun, mag-akitan gid nimu kanmi kakurian. Parihu kami sa usa ka babayi magpanganak, magpanringgit sa masyadu pag sakit.

Hirimyas 13:21

Hintay ti maramdaman nimu nu ti kakampi nimu pag nasyun ti sumakup sa kanmu? Unman aw manrukuan kawu ga usa ka babayi magkaanak yi?

Hirimyas 30:6

May ipaingana aku sa kanyu. Mahimu aw manganak ti lalaki? Hayga mag-akitan niku ti manga lalaki magpanlapsi ag paghiyaptan kanda tiyan ga babayi magkaanak yi?

Hirimyas 4:31

Nadnugan niku ti maglumi hanggan magpabawi, ga babayi magpanganak sa kay panganay anak. Lumi inda manga nasakupan Hirusalim ga maghingagaw kanda arup. Pag-ipaabwat nida kanda manga kamang magkun, “Kaawaawa waydi kami; ag ga malipungan yi, dahil asan yi kanmi manga kalaban ti manmatay sa kanmi.”

Hirimyas 46:5

Dapat hintay inda ti nakitan niku? Magkadala kamu ag mag-usun. Natalu kamu ag maliksi nalagiw udyi lang mag-aliwliw dahil sa dala.

Hirimyas 48:41

Sakupun ti manga banwa hanggan ti manga kampu sa Muab. Sa ati pag manga sirang, madala ti manga sundalu sa Muab parihu sa usa ka babayi arani yi manganak.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 49:24

Naglumuy ti manga taga Damasku ag linmayas sida dahil sa dala. Dala ag kabuyatan tagipusuun ti nadamdaman nida ga bilang babayi arani yi manganak.

Hirimyas 50:43

Nabaritaan inda hari Babilunya ag nanlulubay siya. Nakadamdam siya dala ag sakit parihu sa babayi magkaanak yi.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Isikil 20:47

Sabiha sa inda pag rugar aku, ti Panginuun Diyus, manpalabdab apuy umirub sa kay kakayuhan layung man ngatay unman. Balaw gid mamatay ti maglabdaban apuy. Sunugun inda ti tanan pag bagay ginan sa kanaway tugka sa salatan.

Husyas 13:13

“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.

Huwil 2:6

Ti manga tawu makakit sa kanda manlapsi sa dala.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Huwan 16:21

Parihu sa babayi magpanamdam, magkakurian siya dahil rinmas-ug yi kay kaudasan. Nu bay nakalawuy yi ti anak udyi magkadumduman babayi kay nalakawan pag kakurian. Magbaya ngap siya dahil nilusad yi ti usa ka lapsag.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.