Isayas 13:7 - Hanunuu

⁷ Sa ati pag sirang, manlumuy ti tanan tawu. Ti kada usa maduraan kabisugan,

Isayas 13:7 Iomraidhean Croise

Kanta 58:7

Madura mana sida parihu sa danum magkak-at, ag nu magpana sida, danga mana sida makapantuk.

Pag-ighit 15:15

Ti manga takinan Idum ag Muab takigan sa dala, ag ti manga takinan Kanaan himatayun sa dala.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isayas 37:27

Ti winayak nimu pag manga nasakupan manga banwa naduraan kabisugan. Nadala sida ag nangay-a. Bilang sida manga ilamnun sa kapadangan madali magkarubay, ngatay manga ilamnun magtubu sa atup balay igu tinmubu narubay diman rargu.

Isayas 51:20

Magpanlulubay sida ag mag-iribugtang sa manga baklayan. Parihu sida sa karasyaw nasduk sa lambat. Nakalakaw sida masyadu pag pangagalit Panginuun; sinungyaw sida Diyus.

Hirimyas 50:43

Nabaritaan inda hari Babilunya ag nanlulubay siya. Nakadamdam siya dala ag sakit parihu sa babayi magkaanak yi.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Isikil 21:12

“Anak tawu, paglumi kawu mabisug ag taptapa kanmu dubdub sa karukuan dahil inda pag baladaw manmatay sa kang nasakupan manga Israilita ag sa kanda manga takinan.

Isikil 21:7

Nu mamaingana sida nu hayga kawu mag-arunghung, sabihi sida dahil sa barita makapalumuy nalub-anan, makapadala sa tanan tawu, makarilipung sa isip, ag makapatakig tuud sa kanda. Mangyari gid inda pag manga bagay udyi dumugay. Aku, ti Panginuun Diyus, ti magbagaw inda.”

Isikil 7:17

Manlumuy kanda manga kamang ag mangirug kanda manga tuud.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Nahum 2:11

Ti Ninibi parihu sa lukib pag-ulian usa ka magtal-anakan liyun. Unman gid may makagaraw sa kanda ati sa lukib. Pagmatyun ag paggus-abun liyun kay bulay ag pag-iayaw sa kay kaparihu hanggan sa kay manga anak. Pagpun-un niya manga binulay kay ulian lukib. Dapat taynguna, ti Ninibi rurisun yi.

Huswi 2:11

Nadala kami pagka nabaritaan nimi inda ag naduraan kabisugan ti kada usa sa kanmi dahil sa kanyu. Dahil ti Panginuun niyu Diyus imaw ti Diyus sa langit hanggan sa daga.