Isayas 13:6 - Hanunuu

⁶ Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 13:6 Iomraidhean Croise

Hub 31:23

Balaw niku mabuwat inda pag manga bagay dahil magkadala aku sa parusa ag sa kamaskihan Diyus.

Isayas 10:25

Dahil balaw yi dumugay madura yi kang pangagalit sa kanyu ag sa kanda maan niku inda pag ibuhus tugka sa magkaramatay sida.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 13:9

Pagpatingi kamu! Rumas-ug yi ti sirang Panginuun, ti sirang kahigpitan ag masyadu pag pangagalit. Gubaun ti daga tugka sa udyi maulianan, ag ti manga mag-uli ati pag manga makasalanan rurisun.

Isayas 14:23

Buwatun niku inda pangawakawaan, may mayamu lasaan, ag gub-un niku ga pinarisan. Aku, ti Panginuun Makamaskihan, ti magsabi inda.”

Isayas 14:31

Panlumi kamu matnug, kamu pag manga nasakupan manga banwa Pilistiya. Dahil girahun kamu niyu manga kalaban ga anus ginan sa kanaway. Sida lunsay yi manga maraisug.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 23:1

Inda pagsabihun tungkul sa Tiru: Paglumi kamu manga tawuhan barku Tarsis. Dahil nawayak yi kanyu duungan sa Tiru. Itinultul yi tunda sa kanyu manga ginan sa Sipru.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 34:8

Dahil ti Panginuun may itinagka sirang mamalus sa kay manga kalaban hampay awatan ti Siun.

Isayas 47:11

Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Isayas 52:5

Taynguna, hintay yi maan ti nangyari sa kanyu? Binihag kamu manga taga Babilunya ga balaw diman may bayad. Inaway nida kamu ag pinuyaan. Una aku hanggan pirmi diman nida paglabagun.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Isayas 65:14

Manganta sida sa kabayaan, dapat kamu lumumi sa karukuan hanggan sa daut pag nalub-anan.

Hirimyas 25:34

Kamu pag manga takinan, paglumi kamu ka bisug, palilid kamu sa daga dahil sa karukuan. Dahil rinmas-ug yi ti sirang matyun kamu parihu sa mag-iyaw karanidu. Marunut kamu ga mahalaga pag anglit nabasag.

Hirimyas 49:3

“Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Isikil 13:5

Unman nida pagpaandaman ti manga tawu. Ga parihu lang sa unman nida pagkaayadun ti nadaut pag manga alad batu Israil hampay tumibay inda pagras-ug girahan, sa sirang pumarusa ti Panginuun.

Isikil 21:12

“Anak tawu, paglumi kawu mabisug ag taptapa kanmu dubdub sa karukuan dahil inda pag baladaw manmatay sa kang nasakupan manga Israilita ag sa kanda manga takinan.

Danyil 5:26

Indaay kay ibug sabihun: Ti Mini kay kahulugan pagbilangun yi Diyus ti nasawad pag sirang nimu paghari, dahil paapasun yi niya.

Danyil 5:9

Nakan nadala gid si Hari Bilsasar ag nanlapsi gid. Naaburidu diman kay matinudukun pag manga tawu.

Huwil 1:11

Kamu pag manga manugtanman, kailangan kamu manruku! Kamu pag manga manug-asikasu ubasan, paglumi kamu ka matnug! Dahil nadaut ti aranyun manga tirigu hanggan sibada.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:15

Malu, arani yi ti sirang pagparusa Panginuun Makamaskihan.

Huwil 1:5

Kamu pag manga manuglangu, pagbangun kamu bag-u paglumi ka matnug! Dahil unman yi kamu may irinmun; unman yi may ubas buwatun intus.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Sipanyas 1:14

Arani yi ti pinakamadala pag sirang kay pagparusa Panginuun. Inda madali rumas-ug. Makuri masyadu ati katpung pag sirang, dahil una ti maisug pag sundalu manringgit manhagad awat.

Sipanyas 1:7

“Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.

Sakaryas 14:1

Rumas-ug ti sirang pagparusa Panginuun. Ayaw-ayawun niyu manga kalaban ti manga naagaw nida pag kasiyunan ginan sa kanyu manga taga Hirusalim ag kamu mamantay lang sa kanda.

Malakyas 4:5

“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas.

Santiyagu 5:1

Pagpatingi kamu pag manga mayaman. Paglumi kamu pagnguynguy dahil sa manga kakurian rumas-ug sa kanyu.

Ipinakakit 18:10

Manindugan sida ginan sa arayu magkadala madamay sa kay nalakawan pag kaparusahan. Sumabi sida magkun, “Anung anung duy ti bantug pag banwa. Sa sulud lang usa ka udas natupad yi ti kaparusahan sa makapangyarihan pag banwa Babilunya.”