Isayas 13:4 - Hanunuu

⁴ Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.

Isayas 13:4 Iomraidhean Croise

Isayas 17:12

Bantayi niyu! Magkagulu ti kayamuan tawu ginan sa manga nasyun. Kanda ingay ga tunug daraka pag humbak.

Isayas 48:14

“Pagtipun kamu tanan pagpatingi: Si unu sa manga diyus-diyusan ti naghula kuntay mangyari? Unman gid! Pinili niku kang ampud hampay girahun ti Babilunya hampay sundun kang pag-ipabuwat laban sa tunda pag nasyun.

Isayas 5:26

Paamanan niya ti manga nasyun sa arayu; palwitan niya ti manga mag-uli sa pinakaarayu pag bahagi kalibutan, ag kadaka sida rumas-ug hampay girahun kawu.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Hirimyas 21:4

“Sabihun niyu sa kan Sidikyas kuntay inda ti pagsabihun Panginuun, ti Diyus Israil, ‘Bumaliw unman may pulus kanyu manga armas paggamitun sa paggira sa kan Nabukudunusur hanggan sa kay manga sundalu nagsangput yi sa kanyu. Tipunun niku sida sa karaw-an inda pag banwa.

Hirimyas 25:14

Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Huwil 2:25

Dahil pagsabihun Panginuun, “Iuli niku ti tanan nadura sa kanyu katpung dinaut kanyu manga pananum dasun-dasun pag kaban manga apan. Aku ti nagpadara sa kanyu inda pag kaban apan imaw ti kang sundalu.

Huwil 3:14

Pagkayamu tawu ti ati sa Luung Kaparusahan, dahil arani yi rumas-ug ti sirang pag parusa Panginuun.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”