Isayas 13:3 - Hanunuu

³ Sinugu yi niku kang manga itinigana pag manga sundalu imaw ti pumarusa sa pagkagalitan niku pag manga tawu. Inda pag manga sundalu magbaya ag magsarig buwatun niku inda pag parusa.

Isayas 13:3 Iomraidhean Croise

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Isayas 23:11

Ihinunat Panginuun kay kamang sa dagat, hinalu niya ti manga kaharian. Isinugu niya wayakun ti manga kampu Pinisya.

Isayas 5:26

Paamanan niya ti manga nasyun sa arayu; palwitan niya ti manga mag-uli sa pinakaarayu pag bahagi kalibutan, ag kadaka sida rumas-ug hampay girahun kawu.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 51:46

Dapat danga kamu magkadala ngatay manlubay nu rumas-ug yi ti barita tungkul sa girahan. Dahil ti barita tungkul sa girahan manga hari rumas-ug sa kada timpu.

Hirimyas 51:53

Una umaput waya sa langit ti manga alad batu Babilunya, ag una papag-unun waya nida inda, mamadara diman aku manugwayak. Aku, ti Panginuun, ti magsabi inda.

Huwil 3:11

Pag-ataytag kamu, tanan nasyun sa sangput. Bag-u pagtiripunan kamu sa Karatagan ni Husapat.” Panginuun, paatiha yi kanmu kaban sundalu.

Sipanyas 1:7

“Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”