Isayas 13:19 - Hanunuu

¹⁹ Ti Babilunya pag kaharian imaw ti pinakamarinu sa tanan pag kaharian. Pag-ipadayaw tunda niya manga nasakupan. Dapat gubaun niku tunda parihu sa Suduma ag Gumura.

Isayas 13:19 Iomraidhean Croise

Gimpuunan 19:24

Kadaka pinauranan Panginuun maglabdaban asupri ti Suduma ag Gumura.

Gimpuunan 19:25

Rinuris Panginuun ti duwa ka banwa hanggan ti buu karatagan. Namatay ti tanan mag-uli ati hanggan ti tanan tanum.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Isayas 47:5

Magkun waya ti Panginuun “Babilunya, pagtukaw kawu mahim-ung ati sa basad dulum. Balaw yi kawu ingarnan rayna manga kaharian.

Isayas 48:14

“Pagtipun kamu tanan pagpatingi: Si unu sa manga diyus-diyusan ti naghula kuntay mangyari? Unman gid! Pinili niku kang ampud hampay girahun ti Babilunya hampay sundun kang pag-ipabuwat laban sa tunda pag nasyun.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 49:18

Nu kabitay nawayak ti Suduma ag Gumura hanggan ti manga banwa sa kalibut inda, katida diman ti mangyari sa Idum. Ag udyi may mangulian atay. Aku, ti Panginuun, ti magsabi inda.

Hirimyas 50:40

Nu kabitay winayak Diyus ti Suduma ag Gumura, hanggan ti manga banwa sa kalibut inda, katida diman ti mangyari sa Babilunya. Unman yi may mangulian ati. Aku, ti Panginuun, ti magsabi inda.

Hirimyas 51:26

Unman may una hintay pag batu ti mab-ul sa kanmu hampay gamitun sa pagpatindug balay. Bumaliw maruku ti kahamtangan nimu hanggan waya aban. Aku, ti Panginuun, ti magsabi inda.”

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Hirimyas 51:41

Kabitay nagpu ti Babilunya? Ti pagdayawun pag nasyun sa buu kalibutan! Madala bantayun ti nangyari sa kanya!

Hirimyas 51:62

Rargu pandarangin kawu, ‘Ungud Panginuun magkun duy kawu wasakun nimu inda pag rugar hampay unman may mangulian atay, una tawu ngatay hayup, ag bumaliw mapung-aw hanggan waya aban.’

Danyil 4:30

magkun siya, “Tutuu gid ungud makapangyarihan yi ti Babilunya, ti kang ipinatindug pag kaharian banwa sa panab-anan niku sadili kabisugan ag para sa kang kadayawan.”

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Ruma 9:29

Si Isayas diman ti may sabi magkun, “Ti Panginuun makamaskihan sa tanan nagsawad di kay iba sa kanta lahi. Nakan kita unman niparihu ga Suduma ag ga Gumura.”

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.

Ipinakakit 18:11

Ti manga magnigusyu sa babaw daga lumumi ag manrukuan tungkul sa banwa Babilunya dahil balaw yi may mamili kanda paninda.

Ipinakakit 18:19

Dinapgan nida kanda ulu sa pangaawa malumian diman sida magkun, “Anung anung duy ti bantug pag banwa. Sa siti pag banwa pag nagyaman ti tanan manga tawu may sarakyan sa dagat magnigusyu. Dapat sa sulud lang usa ka udas nawasak di ti banwa.”