Isayas 13:18 - Hanunuu

¹⁸ Matyun manga taga Midya sa ugyung ti manga kalay-awan lalaki. Hanggan ti manga anak balaw nida kaawaan.

Isayas 13:18 Iomraidhean Croise

2 Hari 8:12

Pinaingana siya ni Hasail, “Duy, hayga nanlumi kawu?” Sinmagut siya, “Dahil alam niku ti daut buwatun nimu sa manga taga Israil. Sunugun nimu kanda alad batu manga banwa, panmatyun nimu kanda kalay-awan lalaki, ipanlapdus nimu kanda dariit pag manga anak, ag buk-un nimu ti tiyan manga magbuduy pag manga babayi.”

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Kanta 127:3

Ti manga anak pakaun ag papalad ginan sa Panginuun.

Isayas 13:16

Kanda manga lapsag gutay-gutayun sa kanda atubangan. Pamul-un kanda manga kasiyunan sa kanda manga balay ag lugusun kanda manga asawa.

Isayas 47:9

Dapat kadaka inda mangyari sa kanmu: Maburanday kawu ag maduraan manga anak. Matupad gid inda sa kanmu una mayamu waya kanmu alam salumangka ngatay pangiwaan.

Isayas 5:28

Maratarum kanda manga ugyung, alistu kanda manga bayi. Ti kuku nida manga kabayu parihu sa maganit pag batu, ag ti buyung nida gulung kalisa ga buhawi.

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 5:16

Maraisug kanda manga sundalu, makamatay kanda manga armas pan-gira.

Hirimyas 50:30

Sa ati pag manga sirang, magkaramatay sa manga baklayan ti manga kalay-awan lalaki hanggan ti tanan niya manga sundalu.

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Hirimyas 51:22

Sa panab-anan nimu, rurisun niku ti manga lalaki ag babayi, gurangun hanggan ti anak, ag ti manga kan-akan ag daraga.

Hirimyas 6:23

Kanda dara armas manga pamana ag manga bangkaw. Marahigpit sida ag unman may pangaawa. Kanda ingay ga mabaskug pag humbak habang masakyan sa kanda kabayu. Rumas-ug sida hampay girahun kamu pag manga taga Hirusalim.”

Isikil 9:10

Nakan unman gid niku sida kaawaan bagkus buwatun diman niku sa kanda ti binwat nida sa iba.”

Danyil 7:5

“Kay ikadwa pag hayup ga usu. Matindugan siya sa duwa ka panguryan pag lulud ag may tangag tulu ka tagyang. Bag-u may binmagaw sa kanya magkun, ‘Sigi, pagpakasawa kawu sa taguban.’

Husyas 13:16

Kailangan parusahan ti manga taga Samarya dahil sa kanda paglaban sa kangku, kanda Diyus. Magkaramatay sida sa labanan. Runutun kanda manga anak dariit, ag kanda manga kababayihan magbuduy ririan kay tiyan.”

Nahum 2:1

Manga taga Ninibi, paggirahun yi kamu niyu manga kalaban manwayak sa kanyu. Nakan pabantayi niyu kanyu manga alad batu banwa hanggan diman kanyu manga dalan! Tipunun niyu kanyu manga sundalu ag humanda kamu sa paggira!

Nahum 3:10

Dapat maaw binihag diman kay manga nasakupan ag dinara sa iba rugar. Pinanrunut kanda dariit manga anak sa manga dalan. Ginapus tarikada kanda bantug pag manga nasakupan ag hinuray hampay buwatun manga suruguun sa panab-anan lunggungan.