Isayas 13:11 - Hanunuu

¹¹ Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 13:11 Iomraidhean Croise

Kabagawan 11:31

Nu ti manga matadlung sa kalibutan magtanggap kapalit sa kanda manga pagbuwatun, lalu yi gid balusan ti manga daut pag tawu hanggan ti manga makasalanan.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 14:21

Ialistu yi ti rugar nu naan pag matyun kay manga anak dahil sa kasalanan nida manga ginurang. Balaw yi sida pahintulutan makasakup waya manga daga aw ngatay mamatindug manga banwa sa buu kalibutan.

Isayas 14:5

Tinapus yi Panginuun ti kapangyarihan manga daut pag manga takinan.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 22:14

Magkun sa kangku ti Panginuun Diyus Makamaskihan, “Balaw niya kamu patawadun sa kanyu manga kasalanan tugka sa magkabuhi waya kamu.”

Isayas 23:9

Ti Panginuun Makamaskihan ti may gayak inda hampay iababa ti magpadayaw sa kay kapangyarihan hanggan ti manga pagkilalan-un bantug sa buu kalibutan.

Isayas 24:21

Sa ati pag sirang, parusahan Panginuun ti manga makapangyarihan pag linalang sa langit, hanggan ti manga hari sitay sa kalibutan.

Isayas 25:3

Nakan dayawun kawu manga tawu may kapangyarihan ag galangun manga mahigpit pag manga nasyun.

Isayas 25:5

ag ga init sa tigangan. Dapat inampara nimu ti riringgitan manga day-uhan. Inampara nimu ti karantahan marahigpit pag manga tawu, ga init nadura dahil natakluban rurum.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 29:20

Dahil madura ti manga marahigpit ag ti manga marapuya. Ag magkaramatay ti tanan maraibgun sa kadautan,

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 3:11

Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Isayas 5:15

Nakan ipakababa ti tanan tawu, lalu yi ti manga marapadayaw.

Hirimyas 48:29

Palabi-labihun niyu. Nadnugan niku nu kabitay kamu magpalabi-labi ag marapadayaw.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.