Isayas 12:6 - Hanunuu

⁶ Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 12:6 Iomraidhean Croise

Kanta 132:14

“Imaw inda ti kang ulian tugka aban; sitay aku mangulian dahil hinangad niku inda.

Kanta 135:21

Dayawa ti Panginuun asan sa Siun, ti banwa Hirusalim kay ulian. Dayawa ti Panginuun!

Kanta 46:5

Ti Diyus mag-uli sa inda pag banwa; nakan balaw inda midamhak. Maaga waya rumas-ug ti Diyus umawat siyun pag banwa.

Kanta 68:16

Hayga maghirak inda sa bantud Siun, ti pinili Diyus kay ulianan tugka aban?

Kanta 71:22

Diyus niku, dahil sa kanmu katapatan dayawun niku kawu sa panab-anan pagpatnug alpa. Banal pag Diyus Israil, kantahan niku kawu manga pagdayaw pagpatunugan alpa.

Kanta 89:18

Panginuun, Banal pag Diyus Israil, kawu ti nagpili sa kanmi hari, ag siya ti magbaliwa sa kanmi.

Kanta 9:11

Kantahi niyu manga pagdayaw ti Panginuun, ti maghari sa Siun! Tultulan niyu sa manga nasyun kay manga binwat!

Kanta 99:2

Makamaskihan ti Panginuun sa Siun; maghari siya sa tanan nasyun.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 10:24

Nakan magkun ti Panginuun Diyus Makamaskihan, “Kamu kang manga nasakupan magpangulian sa Siun, danga kamu magkadala sa manga taga Asirya una pagpakurian nida kamu parihu sa binwat sa kanyu manga taga Ihiptu.

Isayas 24:14

Ti manga masawad pag tawu manringgit sa kasulungan. Ti manga sa isalpan tumultul tungkul sa kamaskihan Panginuun.

Isayas 24:23

Mandulum ti init ag ti bulan dahil humari ti Panginuun Makamaskihan sa Bantud Siun, sa Hirusalim. Ag ati pag miburayhaw kay kadayawan sa atubangan manga takinan niya manga nasakupan.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 33:21

Siyun pag ipakakit Panginuun sa kanta kuntay makamaskihan siya. Ti Hirusalim ga usa ka rugar may maluang pag sapa hanggan laad balaw madipay sarakyan manga kalaban.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 54:1

Magkun ti Panginuun, “Pagkanta kawu Hirusalim, kawu ga babayi baug. Pagkanta kawu ag pagringgit sa kabayaan, kawu unman nakalakaw kakurian sa magpanganak. Dahil una yi tinayakan kawu nimu asawa, mas yumamu kanmu manga anak kaysa babayi kaibahan kay asawa.

Isayas 60:16

Alagaan kawu manga nasyun hanggan nida manga hari parihu sa lapsag pag-ipasusu niya ina. Ag maalaman nimu aku ti Panginuun, kanmu Manugribri ag Manugtubus, ti Makamaskihan pag Diyus ni Hakub.

Isayas 8:18

Aku hanggan kang manga anak ipinakaun Panginuun imaw ti manga palatandaan para sa Israil ginan sa Panginuun Makamaskihan mag-uli sa Bantud Siun.

Hirimyas 10:6

Panginuun, unman duy kawu may kaparihu. Makamaskihan kawu ag may kadayawan kanmu ngaran.

Isikil 35:10

“Magkun kamu ti Huda ag Israil bumaliw kanyu, bag-u apuun niyu inda una aku, ti Panginuun, kaibahan nida.

Isikil 39:7

Ipaalam niku sa kang nasakupan manga Israilita kuntay banal kang ngaran, ag balaw yi niku pahintulutan mangay-a waya inda. Bag-u maalaman manga nasyun aku ti Panginuun, ti banal pag Diyus Israil.

Isikil 43:7

magkun sa kangku, “Anak tawu, imaw inda kang tukawan hari ag ti tarat-an niku manga lulud. Sitay aku pag mag-uli kaibahan sa manga Israilita sa unman may katapusan. Balaw yi gid mauman ipakay-a manga Israilita ngatay nida manga hari kang banal pag ngaran sa panab-anan pagsamba sa manga diyus-diyusan ngatay sa pagsamba sa manga tinawu-tawu nida manga hari nagkaramatay yi.

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Isikil 48:8

Ti daga sa salatan Huda pakan-an niyu sa Panginuun bilang ipinablag pag pamakaun. Kay aba inda 12 ka kilumitru, bag-u kay bulang inda ginan diman sa butlakan tugka sa isalpan Israil parihu sa manga linahi Israil. Ti Balay Diyus ipatindug sa karaw-an sa inda pag daga.

Husyas 11:9

Balaw yi ipalakaw niku kang masyadu pag pangagalit; balaw yi dautun niku ti Israil, dahil Diyus aku balaw tawu. Aku ti Banal pag Diyus kanyu kaibahan, balaw aku umasan sa kanyu may galit.

Huwil 2:27

Bag-u maalaman niyu manga taga Israil aku kanyu kaibahan, ag aku lang ti Panginuun niyu Diyus ag udyi may iba waya. Kamu kang nasakupan balaw yi gid mangay-a hanggan aban.”

Sipanyas 2:5

Kaawaawa kamu pag manga Pilistiyu magpangulian sa saruy dagat. Inda ti pagsabihun Panginuun laban sa kanyu: ‘Kamu pag manga Pilistiyu sa Kanaan, papasun niku ag unman may masawad sa kanyu.’

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 2:9

“Parusahan gid niku sida; girahun sida nida manga suruguun ag panbul-un kanda manga kasiyunan.” Nu mangyari yi inda, maalaman niyu ti Panginuun Makamaskihan imaw ti nagpadara sa kangku.

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Diyuturunumiyu 23:15

“Nu ti usa ka suruguun nalagiw ginan sa kay amu ag namaawat sa kanyu, danga siya pagpilita bumalik sa kay amu.