Isayas 12:5 - Hanunuu

⁵ Pagkanta kamu sa Panginuun dahil makadululaw kay manga binuwat. Itultul niyu inda sa buu kalibutan.

Isayas 12:5 Iomraidhean Croise

Kanta 105:2

Kantahi niyu siya manga pagdayaw; itultul ti tanan pag makadululaw niya manga buwat.

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Kanta 98:1

Manganta kita bag-u pag kanta sa Panginuun, dahil nagbuwat siya makadululaw pag manga bagay! Sa panab-anan niya sadili kamaskihan ag kabisugan tinalu niya kanta manga kalaban.

Pag-ighit 15:1

Kinmanta si Muysis hanggan ti manga Israilita inda pag kanta sa Panginuun: “Kantahan niku ti Panginuun dahil lubus siya magpanalu. Iyinamut niya sa dagat ti manga kabayu hanggan ti manga masakyan siyun.

Pag-ighit 15:21

Kinanta ni Miryam inda pag kanta sa kanda: “Pagkanta kamu sa Panginuun dahil lubus siya magpanalu. Iyinamut niya sa dagat ti manga kabayu hanggan ti manga masakyan siyun.”

Isayas 24:14

Ti manga masawad pag tawu manringgit sa kasulungan. Ti manga sa isalpan tumultul tungkul sa kamaskihan Panginuun.

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 42:10

Pagkanta kamu manga bag-u pag kanta sa Panginuun! Pagkanta kamu manga pagdayaw sa kanya, una kamu ti asan sa pinakaarayu pag bahagi kalibutan. Dayawun niyu siya, kamu pag manga magpanakayan hanggan kamu tanan pag manga linalang sa dagat, ag kamu pag manga mag-uli sa ararayu pag rugar.

Isayas 42:11

Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.