Isayas 11:9 - Hanunuu

⁹ Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 11:9 Iomraidhean Croise

Hub 5:23

dahil balaw kawu maunu. Ag balaw yi kawu makurian magtanum sa tanman nimu mabatu.

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Kanta 78:54

Dinara niya sida sa kay pinili pag daga, ati sa inagaw niya pag bantud sa panab-anan niya kapangyarihan.

Isayas 11:13

Madura yi ti inggit Israil sa Huda ag ti galit Huda sa Israil.

Isayas 11:8

Una magbuybuya ti manga anak dariit sa saruy ukang ulay madalit, una waya ikuut nida kanda kamang siyun pag ukang, dayu sida maunu.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 32:16

Lumantap ti katadlungan ag katuwiran sa pangawakawaan hanggan sa maabunu pag daga.

Isayas 33:6

Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isayas 35:9

Unman may liyun una hintay pag maraisug hayup ti makalawuy ati nu ud ti linukat lang Panginuun.

Isayas 45:6

hampay maalaman nasakupan sa buu kalibutan unman may iba Diyus purya sa kangku. Aku ti Panginuun, udyi may iba waya.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 65:25

Sa tunda katpung pag sirang, mirinsanan mangaun ti manga maisug pag simarun ag ti manga karanidu, hanggan ti liyun ag manga baka manharab manga ilamnun. Ti ulay balaw yi mangagat nuud mangaun lang galbuk. Balaw yi may mandaut ngatay may manwayak sa kang banal pag bantud Siun. Aku, ti Panginuun ti magsabi inda.”

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Isayas 66:20

Ag darahun nida pauli ginan sa manga nasyun ti tanan niyu manga kasimanwa masakyan sa manga kabayu, manga mula, sa manga kamilyu, sa manga kalisa, ag sa manga karitun. Darahun nida sida sa kang banal pag bantud sa Hirusalim bilang handug sa kangku parihu sa pagbuwatun manga Israilita maghandug sa kangku sa Balay Diyus manga handug karan-unun, mapaulian sa manga malumpiyu pag sukadan.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 47:5

Nagsukat waya gid siya manga 1,700 ka luk-an siku, dapat unman yi niku inda madipay dahil masyadu yi abasad ti danum sa sapa. Kailangan yi inda languyun.

Danyil 11:45

Mamatindug siya marinu pag turda hari sa tab-anan dagat ag banal pag bantud. Dapat mamatay siya unman gid may mangawat sa kanya.”

Danyil 12:4

Dapat Danyil, siraduha lang dap inda pag ribru ag danga dapu pagsabihan sa manga tawu inda pag barita tugka sa ud rumas-ug ti katapusan. Habang unman waya inda pag-itultul, mayamu ti manipag sa pag-intindi sa manga magpangyari.”

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.