Isayas 11:4 - Hanunuu

⁴ Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 11:4 Iomraidhean Croise

2 Samwil 8:15

Naghari si Dabid sa buu Israil. Binwat niya ti matadlung ag hustu para sa tanan niya manga nasakupan.

Hub 15:30

Balaw siya makapalagiw sa kadamhakan. Bumaliw siya parihu sa kayu kay manga sanga inda masunug. Madura ti tanan niya kasiyunan sa usa lang ka uyup Diyus.

Hub 4:9

Usa lang ka uyup pangagalit Diyus, pihu midamhak sida. Sa kay pangagalit, maruris sida.

Kanta 110:2

Ginan sa Siun, padakaun Panginuun kanmu kaharian, ag harian nimu kanmu manga kalaban.

Kanta 18:8

Linmuwang ti anus sa kanmu irung, sa kanmu bibig linmuwang ti madala pag apuy ag maglabdaban pag manga baga.

Kanta 2:9

Panguluhan nimu sida, ag balaw gid may makaampara sa kanmu magpangulu. Bumaliw lang sida ga anglit kanmu runutun.’ ”

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 14:30

Ti manga pugri niku pag nasakupan pakaunun niku ag pakan-an pahari balaw may pagkadalaan. Dapat pabay-anan niku mamatay sa lun-us kanmu manga linahi, ag ti masawad sa kanda matyun diman gid niku.

Isayas 16:5

Ag humari ti usa sa manga linahi ni Dabid matinupadun ag may pagmahal. Ipalantap niya ti katadlungan sa kay magpihu. Sigidas siya sa pagbuwat matadlung.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 26:6

Ag inda pagtatatataan manga pugri kanda inapi.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 3:14

Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Isayas 30:28

Kay arup ga sa mabisug pag bulus mag-aput di tugka sa liug. Rurisun niya ti manga nasyun ga pagsaraun tirigu. Ga manga hayup sida pinaulian rinda pagguyudun.

Isayas 30:31

Pihu gid dalaun ti manga taga Asirya nu masaydan nida ti busis Panginuun hampakun sa kanda.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 32:1

May usa ka hari humari may katadlungan, kay manga takinan mandumara may kahusayan.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 40:7

Ti ilamnun magkarubay ag kay busang magkarugnas nu pag-uypun durus gin sa Panginuun. Ti tawu parihu sa ilamnun.

Isayas 49:2

Binuwat niya ga baladaw kay katarum ti manga bagaw niku. Pag-alagaan niya aku sa panab-anan niya kamaskihan. Binuwat niya aku ga magkislap pag ugyung alistu yi gamitun.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 33:15

Sa tida pag udas, pamahalaun niku ti hari matadlung ginan sa linahi ni Dabid. Palantagun niya ti katadlungan hanggan ti katuwiran sa buu daga.

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Husyas 6:5

Nakan ngani pinasandaman niku kamu sa panab-anan niku manga purupita kuntay midamhak kamu ag magkaramatay. Ipaburayhaw niku kang pagsintinsiya sa kanyu parihu sa rayaw kilat.

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Malakyas 4:6

Ibalik niya ti mayad pag pagkarausa manga gurang ag manga anak, hampay sa pagras-ug niku balaw niku saadan kanyu daga.”

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 5:5

Papaladan Diyus ti magpanagunsirung, dahil maapu nida ti kalibutan.

Binwat 9:1

Dapat ay si Saulu tinalung sa isug, kay gid gustu matyun ti manga tuludluan Panginuun. Nakan nag-ati siya sa pangulu manughandug sa Balay Diyus.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

Galasya 5:23

maalumanay, mapinigilun sa kay sadili. Unman may pagsabihun ti Kasuguan laban sa kainda pag manga buwat.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

Titu 3:2

Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.

Ipinakakit 1:16

Sa kay sikun may bitbit siya pitu ka pamgasan. Magluwang sa kay bibig ti usa ka baladaw matarum baliw-baliw may urup. Masilaw kay uyahun ga singgit init sa karaw-an sirang kay kasilaw.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.

Ipinakakit 2:16

Nakan ngani ampui nimu kanmu manga kasalanan. Nu unman iampu nimu kanmu manga kasalanan asan tag yi aku sa kanmu balaw yi dugay bag-u lipulun niku tunda pag manga tawu, tigbasun niku baladaw magluwang ginan sa kang bibig.