Isayas 11:3 - Hanunuu

³ Bumaliw kabayaan niya ti pagsunud sa Panginuun. Balaw siya sumintinsiya angay lang sa kay nakitan aw ngatay nadnugan sa iba.

Isayas 11:3 Iomraidhean Croise

2 Samwil 14:17

Kanmu pasya ti makapakaun kahusayan sa kangku dahil kawu parihu sa usa ka anghil Diyus, alam nu hintay ti daut ag ti mayad. Pagpirmi mana kawu giyahan Panginuun nimu Diyus.”

2 Samwil 14:8

Magkun ti hari sa babayi, “Pag-uli yi kawu, aku yi ti bahala. Mansugu aku danga nida pag-unha kanmu anak.”

1 Hari 3:28

Pagka nabaritaan nasakupan Israil ti pasya ni Hari Sulumun, daka gid kanda paggalang sa kanya, dahil nakitan nida may kadunungan siya ginan sa Diyus sa pagpanab-anan sa hustu.

1 Hari 3:9

Nakan pakan-i aku kadunungan hampay mapanguluhan kanmu manga nasakupan, ag kaalaman nu hintay ti mayad ag ti daut. Dahil si unu lugud ti kumaya mamahala sa kanmu nasakupan subra mayamu?”

Hub 12:11

Nu ti dila tawu mag-alam nu hintay ti masarap ngatay ti balaw masarap pag karan-unun, ti tuli tawu mag-alam diman nu hintay ti mayad ngatay ti daut pag manga bagaw.

Hub 34:3

Dahil nu kabitay ti dila mag-alam nu unu ti masarap ag ti bukun masarap pag karan-unun, ti tuli alam diman nu unu ti kang-ud ngatay bukun kang-ud pag manga bagaw.

Kabagawan 2:5

Nu buwatun nimu inda, maalaman nimu nu kabitay ti maggalang sa Panginuun, ag masalman nimu ti tungkul sa kanya.

Kabagawan 2:9

Nu mamatingi kawu sa kangku, maalaman nimu nu hintay ti mayad buwatun: ti tama, ti matadlung, hanggan ti maangay.

Isayas 33:6

Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isikil 45:8

Inda pag manga daga ti bumaliw huray manga takinan Israil.” “Kang manga takinan balaw yi man-api sa kang nasakupan. Pahintulutan nida ti nasakupan Israil umapu daga niku pag-ipakaun sa kanda angay sa kanda linahi.

Mikas 4:3

Bag-u sa panab-anan niya Kasuguan, pagkarausahun niya ti mayamu nasyun, hanggan ti makapangyarihan pag manga nasyun sa arayu. Nakan balaw yi man-girirahan ti manga nasyun, ag balaw yi sida mamaantigu manga sundalu panggira. Buwatun yi lang nida sudsud aradu kanda manga talibung, ag buwatun karit panabas kanda manga bangkaw.

Lukas 2:52

Magdaka kay bilug ni Hisus, hanggan kay kadunungan magdaka waydi. Lalu siya pagbayaun Diyus hanggan manga tawu.

Huwan 2:25

Unman kailangan may tumultul sa kanya tungkul sa manga tawu dahil daan alam yi waydi niya nu hintay ti sa tagipusuun tawu.

Huwan 7:24

Danga yi pagpihua niyu ti daut ti mayad angay lang sa kanyu makitan sa mata. Pihua niyu ti daut ti mayad angay sa katutuuhanan.”

Hibriyu 5:14

Dapat ti may manga idad yi, magkaun maganit karan-unun, dahil sida nagpaanad yi naantigu magkilala sa daut sa mayad.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”