Isayas 11:14 - Hanunuu

¹⁴ Mirinsan sida gumira sa manga Pilistiyu sa isalpan. Girahun diman nida ti manga nasyun sa butlakan ag agawun nida kay manga kasiyunan. Sakupun nida ti Idum ag Muab hanggan ti manga Amuriyu pumasakup diman sa kanda.

Isayas 11:14 Iomraidhean Croise

Isayas 14:29

Manga Pilistiyu, danga dapu kamu magbaya sa pagkamatay hari naggira sa kanyu. Dahil kay anak ti umilis sa kanya imaw ti humari mahigpit man sa kanya, ga usa ka ulay namatay dapat nanganak mas madalit man ag harus maglayang.

Isayas 15:1

Inda ti pagsabihun tungkul sa Muab: Sa sulud lang usa ka yabi nawayak ti banwa Ar hanggan ti Kir sakup Muab.

Isayas 16:14

Ag taynguna, inda kay pagsabihun, “Sa sulud tulu ka timpu, madura ti kayamanan Muab ag miuli sa kakay-ahan kay manga nasakupan. Pira-pira lang ti masawad buhi sa manga nasakupan niya ag manga malumuy waya.”

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Hirimyas 40:11

Nabaritaan diman tanan Hudiyu nagpinalagiw tag sa Muab, sa Amun, sa Idum ag sa iba waya manga nasyun kuntay may manga tawu tinayakan si Hari Nabukudunusur manga nasakupan sa Huda, ag binuwat niya gubirnadur si Gidalyas kay anak ni Ahikam kay laki ni Sapan.

Hirimyas 48:40

Magkun waya ti Panginuun, “Bantayi niyu! Ti kalaban Muab ga agila maglayang hampay dagitun inda.

Hirimyas 49:2

Aku, ti Panginuun magsabi, rumas-ug ti sirang ipagira niku sa manga kalaban ti Raba. Wasakun inda kanyu banwa hanggan ti manga baryu sa kalibut irubun. Sa kainda pag paraan, matabug manga taga Israil ti manga nagtabug sa kanda.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 49:28

Inda ti sinabi Panginuun tungkul sa Kidar hanggan sa manga kaharian sa Hasur kay ginira ni Hari Nabukudunusur sa Babilunya: “Pag-alistu kamu ag giraha niyu ti Kidar. Rurisa niyu inda pag manga tawu sa butlakan.

Isikil 25:14

Manbalus aku sa Idum sa panab-anan niku nasakupan manga Israilita. Parusahan nida ti manga taga Idum angay sa kang masyadu pag pangagalit, bag-u maalaman manga taga Idum nu kabitay aku magbalus. Aku, ti Panginuun Diyus, ti magbagaw inda.”

Danyil 11:41

Girahun niya hanggan ti marinu pag daga Israil, ag mayamu pag tawu ti mamatay. Dapat makapalagiw ti Idum, ti Muab, hanggan ti manga takinan Amun.

Huwil 3:19

“Ti Ihiptu bumaliw mapanglaw pag rugar ag ti Idum bumaliw pangawakawaan, dahil inunu-unu nida ti manga taga Huda; minatay nida ti manga tawu unman may kasalanan.

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Sipanyas 2:5

Kaawaawa kamu pag manga Pilistiyu magpangulian sa saruy dagat. Inda ti pagsabihun Panginuun laban sa kanyu: ‘Kamu pag manga Pilistiyu sa Kanaan, papasun niku ag unman may masawad sa kanyu.’

Sipanyas 2:7

Saklawun tunda manga nasawad taga Huda. Ati sida pag manpaharab kanda manga hayup ag nu rumas-ug ti yabi maturug sida sa manga balay sa Askalun. Kaawaan sida Panginuun nida Diyus ag paabundahun maan sida.”

Bilang 24:17

“May nakitan aku sa kang pangakakitun udwaya gid nangyari. Sa aratubangun pag manga sirang, may humari sa Israil ginan sa linahi ni Hakub. Rurisun niya ti manga Muabita hanggan ti tanan lahi ni Sit.

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Talaghusay 6:3

Nu tig-taranum yi ti manga Israilita, pagsalakayun sida manga Midyanita, Amalikita, ag iba waya manga nasakupan sa butlakan.