Isayas 11:12 - Hanunuu

¹² Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 11:12 Iomraidhean Croise

Kanta 107:3

Nakan tinipun niya kamu ginan sa manga daga sa butlakan, isalpan, salatan, ag kanaway.

Kanta 147:2

Pag-ipatindug maan Panginuun ti Hirusalim; ag pagtipunun maan niya ti nabihag pag manga taga Israil.

Kanta 60:4

Dapat pinaandaman diman nimu kami paggalang sa kanmu hampay makaaman kami sa manga ugyung kalaban.

Kanta 68:22

Magkun ti Panginuun, “Pabalikun niku kang manga kalaban ginan sa Basan; pabalikun niku sida ginan sa kalalawdan dagat,

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 24:16

Madnugan ti karantahan una naan katpung sa kalibutan, “Dayawun ti matadlung pag Diyus.” Dapat kaawaawa aku. Magpanlumuy aku! Dahil parargu ti magpandaya manga tawu maradaya.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Isayas 49:22

Inda ti pagsabihun Panginuun Diyus: “Pagpatingi! Paamanan niku ti manga nasyun, ibalik nida sa kanmu ti manga nasakupan nimu ga manga anak pagsalilihun.

Isayas 49:5

Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 54:7

Tinayakan kawu niku ngalay, dapat dahil sa daka pag-awa niku sa kanmu utru kawu niku alagaan.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 60:4

Bantayi nimu kanmu libut; magtipun yi kanmu manga nasakupan sa arayu hampay muli. Ga manga anak sida pagbabahun.

Isayas 62:10

Manga taga Hirusalim, pagluwas kamu sa kanyu puwirtahan banwa, ialistu niyu ti lakawan niyu iba waya pag manga kakilala. Rayawa niyu kanda lakawan. Bul-a niyu kay manga batu, pagpatindug kamu bandira magpakilala sa manga tawu pinauli yi Panginuun kay manga nasakupan.

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 30:17

Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 50:4

“Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 2:2

“Manga anak, sungyawa niyu kanyu ina una balaw yi niku siya asawa, ag balaw yi niya aku asawa. Sungyawa niyu siya kuntay apasi yi niya kay magpanguragin.

Sipanyas 3:10

Kang manga namululagan pag nasakupan sa baliw dipay manga sapa Itiyupya mandara manga handug sa kangku.

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Sakaryas 8:7

Iribri niku kang manga nasakupan dinara-bihag sa manga daga sa butlakan ag sa isalpan.

Huwan 7:35

Bag-u nagharampangan ti manga pinunu Hudiyu magkun, “Naan tag nguna inda pag tawu kay gayak nakan unman makitan nita siya? Barang siya atag sa luwas daga Israil sa manga Hudiyu mag-uli sa manga banwa manga balaw Hudiyu bag-u manudlu sa manga balaw Hudiyu.

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.