Isayas 11:10 - Hanunuu

¹⁰ Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 11:10 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

1 Krunika 2:12

Si Buus kay ama ni Ubid, ag si Ubid kay ama ni Isai.

Kanta 116:7

Kailangan magpakarig-un aku dahil mayad gid ti Panginuun sa kangku,

Kanta 145:11

Itultul nida kanmu kadayawan ag kamaskihan sa kanmu maghari,

Kanta 149:5

Pagbaya sida magtupad sa kanya dahil sa kanda magpanalu; pagkanta sida sa kabayaan una sa kanda manga igyaan.

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Kanta 91:4

Dahanan niya kawu parihu sa pag-alaga manuk sa kay manga butu sa sirung niya manga pakpak. Sa kay katapatan, ingatan niya kawu ag apinan.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 28:12

Kaindaay kay sabihun, “Malakawan niyu ti kapaharihan sa kanyu daga. Dapat balaw diman gid sida mamatingi.”

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Isayas 49:22

Inda ti pagsabihun Panginuun Diyus: “Pagpatingi! Paamanan niku ti manga nasyun, ibalik nida sa kanmu ti manga nasakupan nimu ga manga anak pagsalilihun.

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 60:3

Pumakarani sa kanmu rayaw ti manga nasyun hanggan kanda manga hari.

Isayas 60:5

Nu makitan yi nimu tunda, makabaya kawu ag subra-subra gid kanmu kabayaan, dahil ti kayamanan nasyun darahun tabug sa kanmu.

Isayas 62:10

Manga taga Hirusalim, pagluwas kamu sa kanyu puwirtahan banwa, ialistu niyu ti lakawan niyu iba waya pag manga kakilala. Rayawa niyu kanda lakawan. Bul-a niyu kay manga batu, pagpatindug kamu bandira magpakilala sa manga tawu pinauli yi Panginuun kay manga nasakupan.

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Hagay 2:9

Nakan lalu waya ruminu ti bag-u pag Balay niku kaysa kabag-u. Ipakaun waya niku sa inda pag rugar ti kaariwayahan. Aku, ti Panginuun Makamaskihan, ti magsabi inda.”

Bilang 10:33

Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan.

Matiyu 12:21

Ag ti manga tawu sa tanan pag nasyun sumarig sa kanya.”

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Huwan 12:32

Nu ipaabwat yi aku ginan sa daga, butungun niku ti tanan tawu hampay sida pumakarani sa kangku.”

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 28:28

Bag-u sinabi waya ni Pablu magkun, “Kailangan pagmaalaman yi gid niyu, duy, inda pag barita ginan sa Diyus tungkul sa karibrihan ipadakit sa manga balaw Hudiyu. Nu bay sida gid pihu mamatingi.”

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 5:5

Bag-u nagsabi ti usa sa manga gurangun sa kangku magkun, “Danga duy maglumi. Ti Liyun sa lahi ni Huda, ti mamaski pag linahi ni Dabid imaw ti nanalu nakan siya ti makabukas kasuratan ag makabuul kay pitu ka kula.”