Isayas 10:5 - Hanunuu

⁵ Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 10:5 Iomraidhean Croise

Gimpuunan 10:11

Ginan sa ati pag manga rugar, nag-ati siya sa Asirya bag-u ipinatindug niya ti Ninibi, ti Rihubut Ir, ti Kala

2 Hari 18:25

Mag-isip aw kawu barang balaw aku sinugu Panginuun ataytabug agud rurisun inda pag nasyun? Ti Panginuun gid ngap ti nagsugu sa kangku sa paggira ag pagruris sa inda pag nasyun.”

2 Hari 19:25

Tutuu pinandaut nimu ti inaladan batu pag manga banwa. Dapat unman aw lugud nimu alam dugay yi niku inda itinagka? Dugay niku inda ginayak mangyari, taynguna pagtupadun yi niku inda.

Kanta 125:3

Ti daut pag tawu unman gid magparargu sa magpanguna sa daga para sa manga matadlung, dahil barang makabuwat diman daut ti manga matadlung.

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Isayas 10:15

Mahimu aw magpayabang ti wasay ngatay ti ragari sa maggamit sa kanya? Makabyaw aw pamakul ti may hiyaput sa kanya?

Isayas 10:25

Dahil balaw yi dumugay madura yi kang pangagalit sa kanyu ag sa kanda maan niku inda pag ibuhus tugka sa magkaramatay sida.

Isayas 13:5

Ginan sida sa ararayu pag rugar. Gubaun Panginuun hanggan niya manga sundalu ti buu daga dahil sa kay pangagalit.

Isayas 14:24

Nanumpa ti Panginuun Makamaskihan magkun, “Matupad kang manga gayak, mangyari gid kang manga pasya.

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 23:13

Bantayi niyu ti daga manga taga Babilunya. Naan yi inda kay manga nasakupan? Ginira tunda taga Asirya ag dinaut ti manga mapag-un pag bahagi. Pinabay-anan nida tunda guba ag nagbaliw ulian wadi manga maila hayup.

Isayas 26:20

Manga kasimanwa, pagsulud kamu sa kanyu manga balay ag talakpan niyu kanyu sabian. Pagpatagu dapu kamu tugka sa madura ti pangagalit Panginuun.

Isayas 29:2

Dapat lusubun niku tunda, ag manlulumian ag manhirinangbitun kay manga nasakupan. Para sa kangku, ti buu banwa bumaliw ga harandugan punu dugu.

Isayas 30:27

Pagpatingi kamu! Magras-ug ti Panginuun ginan sa arayu. Mag-apuy siya sa isug ati sa karaw-an maanus. Kay manga bibig pagtakigan sa isug ga maglabdab yi apuy.

Isayas 30:30

Ipadnug Panginuun ti madala niya pag busis. Ipakakit niya kay kamang alistu yi pumarusa sa masyadu niya pag isug. Dunganan niya inda maglabdab pag apuy, kadaka bumuhus ti uran, ti linti, ti kilat, hanggan uran yilu ga manga batu.

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Isayas 7:17

Dapat rumas-ug ti sirang kawu ag kanmu manga nasakupan, hanggan kanmu magtal-anakan, ipagira Panginuun sa hari Asirya. Malakawan niyu ti kakurian udwaya niyu nalakawan ginan sa napablag ti Israil sa Huda.

Isayas 7:20

Ati katpung pag sirang, gamitun Panginuun ti hari Asirya hampay wayakun lubus kanyu daga. Bumaliw siya ga manug-uguy ginan sa baliw dipay Sapa Iyupratis binayadan hampay kidkidun kanyu buhuk, hanggan bulbul, ag bungut.

Isayas 8:4

Ag dumunung ti anak umingaran ‘amang’ aw ngatay ‘inang,’ ti kayamanan Damasku ag ti manga inagaw Samarya bul-un di hari Asirya.”

Isayas 8:7

ipagira niku sida sa hari Asirya hanggan sa kay manga sundalu ga sapa Iyupratis magbaha ag maglapwas sa kay manga pangpang.

Isikil 22:31

Nakan ipaagum niku sa kanda kang masyadu pag pangagalit. Ipadamhak niku sida dahil sa kanda manga binwat. Aku, ti Panginuun Diyus, ti magbagaw inda.”

Isikil 7:10

“Arani yi gid ti sirang kadamhakan! Masyadu yi gid ti kadautan hanggan ti magpadayaw manga tawu.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Sipanyas 2:13

“Parusahan diman niku ti manga taga Asirya sa kanaway. Bumaliw ga pangawakawaan ti Ninibi, mauga parihu sa tigangan.

Bilang 24:24

Rumas-ug ti manga barku ginan sa Kitim ag sakupun nida ti nasakupan Asirya hanggan Ibir, dapat ti Kitim maruris diman.”