Isayas 10:4 - Hanunuu

⁴ Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 10:4 Iomraidhean Croise

Isayas 22:2

Magkalaguluhan ag magriringgitan ti manga tawu sa banwa. Ti manga namatay sa kanyu balaw man sa gira pag namatay.

Isayas 24:22

Mirinsanan sida ilagpak sa kali parihu sa manga pirisu. Pirisuhun sida bag-u parusahan.

Isayas 34:3

Balaw ilbung kanda manga bangkay, nakan mangalamyu tunda, ag ti manga bantud manragang dahil sa kanda manga dugu.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 66:16

Dahil sa panab-anan apuy hanggan baladaw, sintinsiyahan Panginuun ti tanan tawu makasalanan, ag mayamu kay matyun.

Isayas 9:11

Nakan ipagira sida Panginuun sa manga taga Asirya imaw ti kalaban ni Hari Risin.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Isayas 9:20

Una hintay pag karan-unun kanda makitan, bul-un di nida ag kan-un, dapat balaw diman sida mabsug. Nakan kan-un yi nida una kanda manga anak.

Isayas 9:21

Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.

Hirimyas 15:2

Nu mamaingana sida nu naan tabug sida, sabihun nimu kuntay inda ti pagsabihun niku: Ti itinigana mamatay pihu magkaramatay. Ti iba itinigana mamatay sa girahan ag ti iba sa lun-us. Ti iba waydi itinigana bihagun.

Hirimyas 37:10

Una waya matalu niyu ti buu gurupu Babilunya maggira sa kanyu, ag ti nasawad sa kanda ti manga nabiyagan sa kanda kampu, gumira diman sida sa kanyu, ag kanda irubun inda banwa.”

Hirimyas 4:8

Nakan isulung yi niyu ti rutay panhimanglaw bag-u paglumi dahil masyadu waya ti isug Panginuun sa kanta.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.