Isayas 10:3 - Hanunuu

³ Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 10:3 Iomraidhean Croise

Gimpuunan 31:1

Nasaydan ni Hakub kay manga anak lalaki ni Laban magkun, “Bin-ul ni Hakub ti harus tanan pag kasiyunan nita ama. Ti tanan pag kayamanan niya ginan sa kasiyunan nita ama.”

2 Hari 7:15

Rinmas-ug sida tugka sa Sapa Hurdan, ag nakitan nida sa dalan ti manga rutay ag manga kagamitan ipinanyamut manga Aramiyu sa kanda magkadaldalian magpalagiw. Nagbalik ti manga sinugu ag ibinarita nida inda sa hari.

Hub 31:14

unu ti mabuwat niku nu pihuun aku Diyus? Unu ti isagut niku nu paingan-un niya aku?

Kabagawan 11:4

Ti kasiyunan balaw makaawat sa sirang pagsintinsiya Diyus, dapat ti matadlung kay buhi imaw ti maribri sa kamatayan.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 17:4

“Pagras-ug ati pag sirang, madura yi ti kapangyarihan Israil, ag kay manga kayamanan matulsan kakurian.

Isayas 20:6

Sa sirang mangyari tida, sabihun manga Pilistiyu, ‘Bantayi niyu ti nangyari sa kanta pagsarigan pag manga nasyun ag paghagadan awat hampay kita makaribri sa hari Asirya. Kabitay wadi kita makaribri?’ ”

Isayas 26:14

Tigbak yi sida taynguna, balaw yi mabuhi waya. Pinarusahan niyu sida ag minatay hampay malimtan sa balaw yi maimatun-an.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 28:20

Dahil kamu miparihu sa tawu dag-ud kay igyaan, masiput kay kumut.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 30:16

ag magkun kamu, ‘Makapalagiw kami sa kanmi manga kalaban dahil marabisug kanmi manga kabayu.’ Hu ngani, makapalagiw kamu dapat marabisug man ti manga lumagas sa kanyu.

Isayas 30:5

mangay-a lang ti Huda dahil unman diman may miawat ti manga taga Ihiptu sa kanda nu ud pagkabuyu ag kakay-ahan lang.”

Isayas 30:7

Tida pag nasyun ti Ihiptu yi ngani, kay awat ud may pulus. Nakan pag-ingarnan niku inda “Rahab, ti Daragun Unman may pag Buwatun.”

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isayas 39:3

Taynguna, nag-atag si Purupita Isayas sa kan hari Isikyas ag nagpaingana, “Naan ginan tunda pag manga tawu ag hintay kanda kailangan?” Sinmagut si Isikyas, “Nag-ataytag sida ginan waya sa Babilunya.”

Isayas 5:14

Magkabukas yi maluang ti kalubngan. Pag-alagdun maipaslud sa kanya ti manga kilala ag makapangyarihan pag nasakupan Hirusalim, hanggan ti manga nasakupan mag-iringayan ag magbarayaan.

Isayas 5:26

Paamanan niya ti manga nasyun sa arayu; palwitan niya ti manga mag-uli sa pinakaarayu pag bahagi kalibutan, ag kadaka sida rumas-ug hampay girahun kawu.

Hirimyas 22:7

Mamadara aku manga tawu man-guba sa kanmu. Ti kada usa sa kanda mandara manga gamit pan-guba. Pukanun nida kanmu manga tulduk sidru bag-u iyamut tag sa apuy.

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 9:9

Unman aw kailangan niku sida parusahan? Unman aw kailangan yi niku balusan ti kainda pag nasyun? Aku, ti Panginuun, ti magsabi inda.”

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Husyas 9:5

Dahil kanyu manga handug balaw diman tanggapun Panginuun, malu hintay kanyu buwatun sa pagras-ug mahalaga pag sirang pagsamba ngatay sa manga pista bilang pag-alaala sa Panginuun?

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Amus 5:19

Parihu kamu sa usa ka tawu mag-isip ribri yi siya dahil nakapalagiw siya sa liyun, dapat nasulang ngap niya ti usu. Ngatay mag-isip siya unman yi may mangunu sa kanya dahil ati yi siya sa sulud niya balay, dapat pagka iwinaklay niya kay kamang sa lingub kinagat ngap ulay kay kamang.

Mikas 7:4

Ti pinakamayad sa kanda parihu lang sa ilamnun unman may pakinabang. Rinmas-ug yi ti kaudasan parusa Diyus sa inda pag manga tawu, ga kay binagaw sa panab-anan manga purupita ga manga guwardiya sa bantayaw. Rinmas-ug yi ti kaudasan nida pagkalitu.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Lukas 19:44

Wasakun gid nida kawu ag lipulun nida ti manga tawu mag-uli sulud nimu alad batu. Unman nida sawadan una di usa ka batu sa kaparihu babaw batu, dahil unman nimu nakilala kay kaudasan pagka nagluwang ti Diyus hampay kawu mana kay iribri.”

Diyuturunumiyu 28:49

“Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.