Isayas 10:27 - Hanunuu

²⁷ Sa ati katpung pag sirang, palpasan niku kamu ginan sa kapangyarihan Asirya. Ga bin-ul kanyu pas-an mabuyat ginan sa kanyu labay hanggan ti singkaw magpabuyat sa kanyu liug. Makalpas kamu ginan sa kanda kapangyarihan dahil bumaliw matabul kamu.”

Isayas 10:27 Iomraidhean Croise

2 Samwil 1:21

Kabantudan Gilbuwa, unman mana may uran ngatay tun-ug rumas-ug sa kanmu. Mana unman may tumubu manga tanum sa kanmu tanman agud ihandug sa Diyus. Dahil siyun pag nauringan manga kalaban ti panangga maisug pag hari si Saul. Ag udyi may manpayid sitay lana hampay inda lumpiyuhun ag pakintabun.

Kanta 105:15

“Danga niyu paglabuta kang pinili pag manga manugsirbi; danga niyu pagsakti kang manga purupita.”

Kanta 132:10

Dahil sa kan Dabid sa kanmu manugsirbi, danga pagbugyahi kanmu pinili pag hari.

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 20:6

Taynguna alam niku pagpanaluhun Panginuun kay pinili pag hari. Pagsagtun niya kay darangin ginan sa banal pag langit, pirmi niya siya pagpanaluhun sa panab-anan niya kamaskihan.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 81:6

“Irinibri niku kamu sa pagkapanawuhun; bin-ul niku ti manga mabuyat pag paras-anun hanggan kanyu bitbit.

Kanta 84:9

Diyus, papaladi nimu kanmi manugbaliwa, ti pinili nimu pag hari.

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 37:35

Alagaan ag iribri niku inda pag banwa para sa kadayawan niku ag dahil sa taratu niku sa kan Dabid sa kang manugsirbi.”

Isayas 52:2

Danga yi kawu maruku parihu sa manga tawu magpanrukuan matukawan sa daga. Pagbangun yi kawu ag utru pagdumara. Ag kamu pag manga nasakupan Hirusalim, palpasi yi niyu kanyu sadili ginan sa pagkabihag.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Hirimyas 30:8

Aku, ti Panginuun Makamaskihan, magsabi sa tida pag udas, balaw yi sida buwatun panawuhun manga taga iba nasyun. Bariun yi niku ti singkaw sa kanda manga liug ag lubadun yi niku kanda manga tarikada.

Isikil 30:18

Nu ipadamhak yi niku ti kapangyarihan Ihiptu, bumaliw madulum inda pag sirang para sa Tapanis. Madura yi ti pag-ipadayaw pag kapangyarihan Ihiptu. Matabunan siya rurum hanggan ti manga nasakupan niya manga banwa bihagun.

Libitiku 7:35

Imaw tunda ti huray ni Aarun hanggan niya manga anak ginan sa manga handug pagsunugun para sa Panginuun, ipinakaun katpung itinalaga sida bilang manugsirbi sa Panginuun bilang manga manughandug.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Huwan 1:41

Susun yi hinanap ni Andiris kay patar-ari si Simun. Bag-u kan Andiris sinabi sa kanya magkun, “Nakitan duy nimi ti Pinili Diyus Manugribri pag Hari!” (Sa Giriyigu, Kiristu.)

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

1 Huwan 2:20

Dapat ipinakaun yi sa kanyu ti Ispiritu Banal, nakan alam yi niyu tanan-tanan ti katutuuhanan.

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.