Isayas 10:25 - Hanunuu

²⁵ Dahil balaw yi dumugay madura yi kang pangagalit sa kanyu ag sa kanda maan niku inda pag ibuhus tugka sa magkaramatay sida.

Isayas 10:25 Iomraidhean Croise

2 Hari 19:35

Pagka yabi, nag-atag ti anghil Panginuun sa kampu manga taga Asirya ag minatay niya ti 185,000 ka sundalu. Pagkasurip, igu nipulaw ti manga nasawad buhi, nakitan nida ti mayamu pag manga bangkay.

Kanta 37:10

Balaw dumugay magkaradura ti manga daut. Una hanapun waya sida, udyi niyu sida makitan.

Kabagawan 22:8

Ti magpamgas kadautan umani kadamhakan, ag umapas yi kay magpadamhak sa iba.

Isayas 10:5

Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 26:20

Manga kasimanwa, pagsulud kamu sa kanyu manga balay ag talakpan niyu kanyu sabian. Pagpatagu dapu kamu tugka sa madura ti pangagalit Panginuun.

Isayas 54:7

Tinayakan kawu niku ngalay, dapat dahil sa daka pag-awa niku sa kanmu utru kawu niku alagaan.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Hagay 2:6

“Aku, ti Panginuun Makamaskihan, ti magsabi udyi dugay kas-a waya maan niku tandugun ti langit hanggan ti kalibutan, ti daga hanggan ti dagat.

Hibriyu 10:37

Diyus ti may taratu magkun, “Balaw yi gid dugay, bag-u ti pagkumnum sumitay rumas-ug yi ag dayi dumugay.