Isayas 10:24 - Hanunuu

²⁴ Nakan magkun ti Panginuun Diyus Makamaskihan, “Kamu kang manga nasakupan magpangulian sa Siun, danga kamu magkadala sa manga taga Asirya una pagpakurian nida kamu parihu sa binwat sa kanyu manga taga Ihiptu.

Isayas 10:24 Iomraidhean Croise

2 Hari 19:6

magkun si Isayas sa kanda, “Sabihi niyu kanyu amu si Hari Isikyas inda ti pagsabihun Panginuun: ‘Danga kawu magkadala sa kanmu nadnugan pagpuya sa kangku manga tawuhan hari Asirya.

Pag-ighit 14:9

Ti manga kinmuyug sa pagbukad pag manga Ihipsiyu imaw ti manga sundalu hari, kaibahan kay manga manugkabayu masakyan sa kanda kabayu hanggan kalisa. Natakdan nida ti manga Israilita sa kanda pagkampuhan sa saruy Dagat Marara arani sa Pi Hahirut, sa atubangan Baal Sipun.

Pag-ighit 5:14

Bag-u paggarutihun nida ti manga tagapatigayun Israilita ag pagpaingan-un, “Hayga unman niyu nabuwat kaaldaw hanggan taynguna ti daan bilang manga daga pinaganit pag-ipabuwat sa kanyu, parihu sa pagbuwatun niyu kaybi?”

Isayas 10:5

Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 14:29

Manga Pilistiyu, danga dapu kamu magbaya sa pagkamatay hari naggira sa kanyu. Dahil kay anak ti umilis sa kanya imaw ti humari mahigpit man sa kanya, ga usa ka ulay namatay dapat nanganak mas madalit man ag harus maglayang.

Isayas 27:7

Balaw pagparusahan Diyus ti Israil parihu sa pagparusa niya ag pagmatay sa manga kalaban nida.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 30:32

Girahun niya sida. Ag sa kada hampak Panginuun sa kanda, dumungan inda sa tunug pamakaransing hanggan alpa.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 37:22

inda ti pagsabihun Panginuun laban sa kanya: “Pagkadat-an ag pagsurugun kawu manga nasakupan Siun, ti banwa Hirusalim. Magkarasarin-an sida sa pagpuya sa kanmu magpalagiw.

Isayas 37:6

magkun si Isayas sa kanda, “Sabihun niyu sa kanyu amu inda ti pagsabihun Panginuun: Danga kawu magkadala sa nadnugan nimu pagpuya sa kang manga tawuhan hari Asirya.

Isayas 4:3

Ingarnan banal ti manga nasawad buhi sa Siun, ti nailista sa banwa Hirusalim.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Isayas 7:4

Inda kanmu sabihun sa kanya, ‘Pag-alistu kawu! Pagmaariwaya kawu ag danga magkadala. Danga kawu magkakulbaan sa masyadu pag pangagalit nida ni Hari Risin taga Aram ag ni Hari Pika kay anak ni Rimalya. Inda pag duwa ga tuud kayu mag-anus dapat unman may apuy.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Mikas 5:5

Pakan-an niya mayad pag kahamtangan kay manga nasakupan. Nu girahun manga taga Asirya kanta nasyun ag suldun ti mapag-un pag bahagi nita banwa, labanan nita sida sa pangunguna nita manga anad pag takinan.