Isayas 10:20 - Hanunuu

^20-21 Rumas-ug ti sirang ti manga nasawad Israilita linahi ni Hakub unman yi mansarig sa Asirya, imaw ti nagpakuri sa kanda. Sumarig yi sida sa Panginuun, ti Banal pag Diyus Israil. Bumalik nalub-anan sida sa Makamaskihan pag Diyus.

Isayas 10:20 Iomraidhean Croise

2 Hari 16:7

Nagsugu si Akas manga manugbarita agud ibarita ti kaindaay pag tultulanun sa kan Hari Tiglat Pilisir taga Asirya: “Aku kanmu suruguun, ribrihan nimu aku sa kamang hari Aram ag sa hari Israil magpan-gira sa kangku.”

2 Hari 19:31

Dahil may manga masawad buhi magkarawayak ginan sa Hirusalim, sa Bantud Siun. Siguraduhun gid Panginuun Makamaskihan matupad inda.

2 Krunika 14:11

Pagkatapus, nandarangin si Asa sa Panginuun sa kay Diyus, “Panginuun, unman yi may iba waya makaawat sa manga tawu unman may kaya lumaban sa manga makapangyarihan nu unman kawu lang. Awati nimu kami, Panginuun kanmi Diyus, dahil magsarig kami sa kanmu, ag sa kanmu ngaran nag-ataytag kami laban sa siyun pag mayamu manga sundalu. Panginuun, kawu kanmi Diyus; danga pagpahintuluti manalu ti tawu laban sa kanmu.”

2 Krunika 28:16

Pagka ati pag udas, nanhagad awat si Hari Akas sa hari taga Asirya.

2 Krunika 28:20

Nakan pagras-ug ni Hari Tigrat Pilisir taga Asirya, inapiki niya si Akas sa halip awatan.

Isra 9:14

Madi katida, linabag maan nimi kanmu manga sugu, ag nangasawa kami sa manga tawu magbuwat mayagting pag manga buruwatun. Ungud gid magalit kawu sa kanmi ag duraun nimu kami tugka unman yi may masawad sa kanmi.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 11:16

Nu kabitay ti maluang pag dalan paglakawan nasakupan Israil katpung nighit sida ginan sa Ihiptu, may imaw diman maluang pag dalan para sa manga nasawad niya pag manga nasakupan sa Asirya.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 46:3

Pagpatingi kamu sa kangku, manga linahi ni Hakub, kamu ti manga nasawad pag nasakupan Israil. Pag-alagaan niku kamu ginan sa pagkalusad.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 3:23

Ungud salan duy ti pagsamba nimi sa manga diyus-diyusan sa manga bantud. Sa kanmu lang ti karibrihan Israil, Panginuun nimi Diyus.

Hirimyas 44:14

Magkaramatay kamu tanan, kamu pag manga nasawad buhi sa Huda ag nangulian atay sa Ihiptu. Balaw yi kamu makabalik sa Huda una gustu niyu mamalik ag mangulian ati. Unman may makabalik sa kanyu purya sa pira-pira lang ti makapalagiw.”

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”