Isayas 10:16 - Hanunuu

¹⁶ Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 10:16 Iomraidhean Croise

2 Krunika 32:21

Ag nagpadara anghil ti Panginuun imaw ti nanruris sa maisug pag manga sundalu, manga kumandir, ag manga may kangaranan sa kampu hari sa Asirya. Nakan nuli si Hari Sinakirib, nangay-a gid. Ag pagka nagsaka siya sa balay niya diyus-diyusan, minatay siya niya iba ka manga anak sa panab-anan baladaw.

Kanta 106:15

Nakan ipinakaun niya sa kanda ti kanda paghagadun, dapat pinadaran-an waydi niya sida sakit imaw ti nagpalumuy sa kanda.

Kanta 78:31

nagalit ti Diyus sa kanda. Minatay niya ti makurasug pag manga kalay-awan sa Israil.

Isayas 10:18

Nu kabitay ti sakit magdaut sa bilug tawu, dautun diman Panginuun ti marinu ag mayad pag kapuruan hanggan ti manga tanman hari Asirya.

Isayas 17:4

“Pagras-ug ati pag sirang, madura yi ti kapangyarihan Israil, ag kay manga kayamanan matulsan kakurian.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 31:9

Malagiw kanda manga sundalu dahil sa kadalaan ag kanda manga takinan udyi alam kanda buwatun nu makitan nida ti bandira nida manga kalaban. Tunda ti pagsabihun Panginuun, kay apuy maglabdaban sa Siun, ti banwa Hirusalim.

Isayas 37:29

Dahil nadnugan niku kanmu pangagalit sa kangku hanggan kanmu pagpayabang sa kangku, paulian niku barung kanmu irung ag pungtun niku kanmu bibig, bag-u guyudun kawu pabalik sa kanmu nag-uryanan, sa kanmu linakawan pag dalan.”

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 5:17

Ti nawayak pag banwa imaw ti pag-ulian manga mayaman, binuwat lang pasturan manga karanidu.

Isayas 8:7

ipagira niku sida sa hari Asirya hanggan sa kay manga sundalu ga sapa Iyupratis magbaha ag maglapwas sa kay manga pangpang.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Isayas 9:5

Makabaya diman sida dahil umapas yi ti girahan. Irubun yi ti manga pan-gira pag rutay manga sundalu pasay dugu, hanggan kanda manga lapak.

Hirimyas 21:14

Dapat parusahan niku kamu angay sa manga pagbuwatun niyu. Irubun niku kanyu manga katalunan tugka ti tanan sa kanyu sangput mairub. Aku, ti Panginuun, ti magsabi inda.”

Hirimyas 48:14

Ipagpadayaw manga taga Muab kuntay maraisug ti sundalu nida sa paglaban.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Nahum 1:12

Inda ti pagsabihun Panginuun sa manga taga Huda: “Una mayamu ag mabisug kanyu kalaban manga taga Asirya, rurisun niku sida hanggan sa matabu. Una kaybi pinakurian niku kamu udyi niku inda ulitun.

Sipanyas 2:13

“Parusahan diman niku ti manga taga Asirya sa kanaway. Bumaliw ga pangawakawaan ti Ninibi, mauga parihu sa tigangan.

Sakaryas 7:4

Inda ti pagsabihun Panginuun Makamaskihan sa kan Sakaryas,

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.