Isayas 10:12 - Hanunuu

¹² Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 10:12 Iomraidhean Croise

2 Hari 19:31

Dahil may manga masawad buhi magkarawayak ginan sa Hirusalim, sa Bantud Siun. Siguraduhun gid Panginuun Makamaskihan matupad inda.

Kanta 18:27

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kanta 21:10

Panmatyun nimu ti tanan nida linahi, ag unman gid may masawad sa kanda.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Kanta 76:5

Pinanbawi nimu ginan sa maraisug pag manga sundalu ti inagaw nida sa iba pag manga kasiyunan. Ag nagkaramatay yi sida tanan; una kanda manga kamang udyi nida magkakabyaw.

Kabagawan 21:4

Kasalanan ti magpadayaw-dayaw ag ti magpalabaw-labaw. Makilala nimu ti daut pag manga tawu sa tunda pag ugali.

Kabagawan 30:13

May manga tawu masyadu gid marapadayaw, nu magbantay ga si unu yi gid.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 24:21

Sa ati pag sirang, parusahan Panginuun ti manga makapangyarihan pag linalang sa langit, hanggan ti manga hari sitay sa kalibutan.

Isayas 27:7

Balaw pagparusahan Diyus ti Israil parihu sa pagparusa niya ag pagmatay sa manga kalaban nida.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 37:23

Si unu lugud kanmu pagpuyaan ag paglabagun? Si unu lugud kanmu pag paabwatan busis ag pagpayabangan? Unman aw aku, ti Banal pag Diyus Israil?

Isayas 37:29

Dahil nadnugan niku kanmu pangagalit sa kangku hanggan kanmu pagpayabang sa kangku, paulian niku barung kanmu irung ag pungtun niku kanmu bibig, bag-u guyudun kawu pabalik sa kanmu nag-uryanan, sa kanmu linakawan pag dalan.”

Isayas 5:15

Nakan ipakababa ti tanan tawu, lalu yi ti manga marapadayaw.

Isayas 50:11

Dapat pag-aman kamu, kamu pag magpamakut, danga kamu magsarig sa sadili hiyaput! Panginuun gid ngapu ti pumarusa sa kanyu; magkaramatay kamu sa masyadu pag parusa.

Isayas 9:9

Ag alam inda tanan tawu sa Israil, hanggan sa Samarya imaw ti takinan banwa. Dapat magpalabaw-labaw diman sida ag magpayabang magkun,

Hirimyas 25:29

Pag-umpisahan yi niku pagpadarahan kaparusahan ti Hirusalim, ti pinili niku pag banwa hampay sa kadayawan niku. Taynguna kanyu aw isip balaw niku kamu parusahan? Parusahan gid niku kamu! Dahil palabanun niku ti tanan nasyun sa buu kalibutan. Aku, ti Panginuun, ti magsabi inda.’

Hirimyas 50:18

“Nakan aku, ti Panginuun Makamaskihan, ti Diyus Israil magsabi, ‘Parusahan niku si Hari Nabukudunusur hanggan ti Babilunya parihu sa pagparusa niku sa hari Asirya.

Hirimyas 50:32

Kawu ti palabi-labi mawasak gid ag unman may mangawat sa kanmu hampay bangunun kawu. Irubun niku ti manga banwa nimu hanggan ti tanan banwa sa sangput nimu.”

Isikil 31:10

Nakan taynguna, magkun ti Panginuun Diyus, “Dahil ipinaabwat inda pag kayu kay sadili ag ipinadayaw sa iba malangba manga kayu, bag-u dahil nagpayabang siya,

Isikil 31:14

Nakan kailangan unman yi may kayu umabwat waya hanggan lumangbaw sa iba maraybung manga kayu, una abunda waya inda sa danum. Dahil ti tanan kayu mamatay parihu sa tawu, bag-u miatag sa kaabasad-basadan daga.”

Danyil 11:45

Mamatindug siya marinu pag turda hari sa tab-anan dagat ag banal pag bantud. Dapat mamatay siya unman gid may mangawat sa kanya.”

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Bilang 24:24

Rumas-ug ti manga barku ginan sa Kitim ag sakupun nida ti nasakupan Asirya hanggan Ibir, dapat ti Kitim maruris diman.”

Matiyu 12:33

Magkun si Hisus, “Nu isipun niyu ti puun kayu mayad hanggan kay burak mayad diman. Nu bay isipun niyu alangan ti puun kayu, daut diman hanggan kay burak. Dahil ginan sa burak pag makilala kay puun nu daut nu mayad.

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Diyuturunumiyu 32:27

Dapat balaw niku pahintulutan pumadayaw kanda manga kalaban ag sumabi, ‘Natalu nita sida. Balaw ti Panginuun ti may buwat inda.’ ”

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?