Isayas 10:1 - Hanunuu

^1-2 Kaawaawa kamu manga manugbuwat balaw matadlung pag kasuguan, mag-api sa manga pugri niku pag nasakupan ag mag-irang katadlungan sa kanda. Sa panab-anan tunda pag kasuguan, pagbul-un niyu ti kasiyunan manga buranday hanggan manga ilu.

Isayas 10:1 Iomraidhean Croise

1 Hari 21:13

Bag-u may rinmas-ug duwa ka daut pag tawu, tinmukaw sa atubangan ni Nabut, ag binangdanan nida inda sa atubangan manga tawu. Magkun sida, “Sinaadan ni Nabut ti Diyus hanggan ti hari.” Nakan dinara nida si Nabut sa luwas banwa, ag binintuk tugka sa namatay.

Kanta 58:2

Balaw! Dahil kanyu lang pag-isipun imaw ti pagbuwat daut. Magpandaut kamu sa kanyu ulian.

Pag-ighit 23:3

Danga pagpaangayi ti kasu manga makuri dahil lang sa kanda kahamtangan.

Pag-ighit 23:6

“Pihua niyu mapakan-an katadlungan ti kasu manga makuri.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Isayas 3:11

Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Isayas 3:14

Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Isayas 5:11

Kaawaawa kamu ti manga surip waya magbangun hampay man-umpisa man-inuman ag manlanguhan tugka sa yabi.

Isayas 5:18

Kaawaawa kamu manga manugbuwat kadautan nakahigut sa panab-anan kapudilan.

Isayas 5:23

Pagpalpasan niyu ti manga may kasalanan dahil may pabagsak, dapat unman niyu pagpakan-an katadlungan ti ud may kasalanan.

Isayas 5:8

Kaawaawa kamu manga magpayamu manga balay ag magpalaun kanyu manga daga hanggan di sa magkaapiki yi ti iba ag kamu wadi ti mag-uli sa tunda pag daga.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Hirimyas 22:13

Kaawaawa gid kawu Hihuyakim, nagbungsud kawu kanmu balay hari sa panab-anan daut pag paraan. Pinatarabahu nimu kanmu kaparihu una unman may upa.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Mikas 6:16

Matupad inda sa kanyu dahil sinunud niyu ti balaw mayad pag buwat, manga surundanun, ag manga patigayun ni Hari Umri hanggan niya anak si Hari Akab. Nakan ipadamhak niku kamu; unu-unuhun kamu ag puyaan iba manga nasyun.”

Habakuk 2:12

“ ‘Kaawaawa kamu pag manga magpatindug banwa sa mahigpit pag palakaw. Handa kamu manmatay mitindug lang inda.

Habakuk 2:15

“ ‘Kaawaawa kamu! Sa kanyu pangagalit pagpakay-ahun niyu kanyu manga kaarani pag nasyun. Ga paglanguhun niyu sida hampay makitan niyu sida uba-uba.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Habakuk 2:6

Dapat puyaan sida manga binihag nida pag nasyun magkumun, “ ‘Kaawaawa kamu pag magbuul manga bagay balaw kanyu, ag magtipun kayamanan sa panab-anan pagdaya. Tugka waya lugud kapira niyu inda buwatun?

Habakuk 2:9

“ ‘Kaawaawa kamu pag manga magpatindug manga balay ginan sa kuwarta nab-ul niyu sa daut pag buwat. Pagpatibayun waya niyu kanyu manga balay hampay balaw kamu maunu nu rumas-ug ti kadautan.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Matiyu 23:27

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Kamu ga manga lubung pininturahan malagti, marinu mana sa luwas dapat ti sa sulud punu ngap but-ul manga namatay hanggan kayagtingan.

Matiyu 23:29

Sinabi ni Hisus magkun, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Pag-ipatindug niyu ti manga balay kalubngan manga purupita, kanyu pagparinuun maan ti kalubngan manga tawu matadlung kanda ugali kaybi.

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Lukas 11:52

“Kaawaawa kamu, ti manugtudlu sa Kasuguan, dahil inirangan niyu ti susi ti magbukas sa kadunungan, kamu dayu magsulud, kanyu pag-amparahun waya ti manga magkaibug magsulud.”

Huwan 19:6

Pagka ti manga pangulu manughandug hanggan ti manga pulis nakakit sa kan Hisus, nagringgit sida magkun, “Ipaku siya sa kurus, ipaku siya sa kurus!” Sinabi ni Pilatu sa kanda magkun, “Bul-a niyu siya, kamu ti bahala magpaku sa kanya dahil aku unman may nakitan kasalanan sa kanya.”

Huwan 9:22

Nakan katida ti binagaw manga gurang niya, dahil magkadala sida sa manga pinunu Hudiyu magkun nu may tawu magsabi si Hisus ti Pinili Diyus Manugribri pag Hari, siya ipalwas ginan sa simbahan manga Hudiyu.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.