Isayas 1:8 - Hanunuu

⁸ Unman may nasawad nu ud ti Hirusalim. Ga parasirngan inda sa ubasan ngatay payag sa karaw-an tanuman kunduy, ag parihu sa banwa pinalibutan kalaban.

Isayas 1:8 Iomraidhean Croise

Hub 27:18

Ti ipinatindug niya pag balay parihu sa matpuk pag puting lawa ngatay sa payag manugbantay taranuman.

Kanta 9:14

hampay mitultul niku sa manga tawu ati sa manga sabian Siun kanmu manga binwat, imaw kay dahilan nakan magdayaw aku sa kanmu. Makabaya aku ati dahil irinibri nimu aku.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 10:32

Kainda pag sirang, rumas-ug ti manga taga Asirya sa Nub. Bag-u manpaaman sida girahun ti bantud Hirusalim, ti Bantud Siun.

Isayas 29:3

Sangputun niku ti Daka banwa Hirusalim. Sangputun niku inda manga bantayaw pan-gira ag tumpukan daga sa habig alad batu hampay madayik.

Isayas 30:17

Ti usa lang sa kanda makapalayas sa 1,000 niyu manga sundalu. Ti lima sa kanda makapalayas sa kanyu tanan. Miparihu kamu sa tugnan bandira matindugan usa-usa sa katayungtungan bantud.”

Isayas 37:22

inda ti pagsabihun Panginuun laban sa kanya: “Pagkadat-an ag pagsurugun kawu manga nasakupan Siun, ti banwa Hirusalim. Magkarasarin-an sida sa pagpuya sa kanmu magpalagiw.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 4:4

Sa panab-anan kamaskihan ag maglabdab pag parusa Panginuun, pihuun niya ag lumpiyuhun ti kadautan manga babayi sa Hirusalim hanggan ti manga maratyan ati.

Isayas 49:21

Sumabi kawu sa kanmu sadili, ‘Si unu ti naglusad sa kanda para sa kangku? Nagkaramatay ti kayamuan niku manga nasakupan, nakan ngani nanhimanglaw aku. Ti iba sa kanda dinara bihag tag sa iba nasyun, usa-usa wadi aku. Nakan naan ginan tunda sida? Si unu ti nag-alaga sa kanda?’ ”

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Isayas 8:8

Manras-ug sida sa Huda parihu sa baha kay danum mag-abwat tugka sa liug, maglapwas sa buu daga.” Dapat kaibahan nimi ti Diyus!

Hirimyas 4:17

Pinalibutan nida ti Hirusalim ga manga tawu manugbantay sa tanman, dahil ti Hirusalim naglaban sa kangku. Aku, ti Panginuun, ti magsabi inda.

Hirimyas 6:2

Dautun niku ti marinu pag banwa Hirusalim.

Karukuan 2:1

Sa pangagalit Panginuun tinakluban niya madamul pag rurum ti Hirusalim. Pinabul-an niya halaga ti karinuan Israil bilang ga iyinamut niya sa daga ginan sa langit. Dahil sa kay pangagalit pinabay-anan niya una kay Balay.

Karukuan 2:6

Dinaut niya kay Balay ga payag lang sa tanman. Ipinahintulut niya kalimtan nasakupan Hirusalim ti itinagka pag manga pista ag manga Sirang Pamahari. Sa kay masyadu pag pangagalit ipinurya niya ti hari hanggan ti manughandug.

Sakaryas 2:10

Magkun ti Panginuun, “Manhuruyawan kamu sa kabayaan, kamu pag manga taga Siun, dahil rumas-ug aku ag mangulian kaibahan niyu. Ag sa siyun pag udas, mayamu pag manga nasyun ti manpasakup sa kangku. Ag bumaliw sida kang nasakupan.” Nu mangyari yi tunda, maalaman niyu ti Panginuun Makamaskihan ngani ti nagpadara sa kangku tabug sa kanyu.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Huwan 12:15

“Danga kawu magkadala, Banwa Siun. Malu atay tag yi kanmu Hari nakasakay sa anak asnu.”