Isayas 1:7 - Hanunuu

⁷ Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 1:7 Iomraidhean Croise

2 Krunika 28:5

Nakan ipinakaun siya Panginuun niya Diyus sa hari taga Aram. Pinirdi siya manga Aramiyu ag mayamu sa kay nasakupan ti binihag sa Damasku. Ipinakaun diman siya sa hari taga Israil, ti nagmatay sa mayamu niya nasakupan.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kanta 107:39

Nu magpira sida ag nangay-a dahil sa pag-api, pagsakit, ag pagpakuri sa kanda,

Kanta 109:11

Mana bul-un niya kinautangan ti tanan niya kasiyunan, ag mana bul-un manga day-uhan kay binudlayan.

Isayas 1:8

Unman may nasawad nu ud ti Hirusalim. Ga parasirngan inda sa ubasan ngatay payag sa karaw-an tanuman kunduy, ag parihu sa banwa pinalibutan kalaban.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 34:9

Ti manga sapa hanggan daga sa Idum madaut. Ti buu nasyun mairub balaw yi makinabangan.

Isayas 49:19

Nidamhak kawu ag nagbaliw mapanglaw, dapat taynguna ulianan yi kawu nimu nasakupan. Unman yi sida harus mag-itabu sa kanmu. Ti manga nagwayak sa kanmu pumakarayu yi.

Isayas 5:17

Ti nawayak pag banwa imaw ti pag-ulian manga mayaman, binuwat lang pasturan manga karanidu.

Isayas 5:9

Magkun sa kangku ti Panginuun Makamaskihan, “Tunda pag daraka ag mararinu pag manga balay balaw yi maulian.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isayas 64:10

Ti manga banal pag banwa nimu hanggan ti Hirusalim nagbaliw ga pangawakawaan unman may mag-ulian.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:5

Makabaya diman sida dahil umapas yi ti girahan. Irubun yi ti manga pan-gira pag rutay manga sundalu pasay dugu, hanggan kanda manga lapak.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 44:6

Nakan ibinuhus niku sa kanda ti masyadu niku pag pangagalit. Ga apuy inda mag-irub sa manga banwa Huda ag Hirusalim, ag nagbaliw maruku inda pag manga rugar ag wayak tugka taynguna.

Hirimyas 6:8

Manga taga Hirusalim, pasandam inda sa kanyu nu dayu waya kamu mamatingi, pakarayu gid aku sa kanyu; ag buwatun niku mapung-aw kanyu daga, udyi may mangulian siyun.”

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Karukuan 5:2

Kanmi manga daga hanggan manga balay bin-ul manga day-uhan.

Isikil 25:4

ipasakup niku kamu sa manga tawu sa butlakan, bag-u nasakupan nida kamu. Mankampu sida sa kanyu bag-u kan-un nida kanyu manga burak kayu ag inmun kanyu gatas ginan sa kanyu hayup.

Isikil 30:12

Pamarahun niku ti Sapa Nilu, bag-u ipasakup niku ti Ihiptu sa daut pag manga tawu. Wasakun niku ti buu nasyun Ihiptu hanggan ti tanan asan sa panab-anan day-uhan. Aku, ti Panginuun, ti magbagaw inda.”

Husyas 7:9

Pagbul-un taga iba nasyun kanda kabisugan, dapat unman nida magkapansin. Parihu sida sa gurangun ubanin yi kay buhuk dapat unman niya magkapansin.

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Libitiku 26:34

Habang bihag kamu sa rugar niyu manga kalaban ag unman yi may mag-uli sa kanyu daga, makapahari yi inda. Dahil katpung mag-uli waya kamu sa kanyu daga unman gid niyu tunda ipinahari una timpu katpung pamahari daga. Dapat kainda makapahari yi gid tunda habang unman yi may mag-uli.

Mikas 5:11

Dautun niku kanyu banwa hanggan ti manga may alad batu pag banwa.

Mikas 6:13

Nakan inumpisahan niku rurisun kamu bilang parusa sa kanyu manga kasalanan.

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 28:43

“Ti manga day-uhan mag-uli kaibahan niyu amat-amat bumaliw makapangyarihan habang kamu amat-amat maglumuy.

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.