Isayas 1:5 - Hanunuu

⁵ Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Isayas 1:5 Iomraidhean Croise

2 Hari 1:13

Nagpadara maan ti hari kay ikatlu pag takinan sundalu kaibahan ti 50 ka tawuhan. Pagka nagras-ug tunda pag takinan sundalu sa kan Ilyas, nanikluhud siya bilang paggalang, ag magpaawa-awa magkun, “Suruguun Diyus, kaawai duy nimu aku hanggan kang manga tawuhan. Danga nimu kami pagmatya, kanmu manga suruguun.

2 Krunika 28:22

Sa udas kakurian ni Hari Akas, lalu waya siya nagsupakil sa Panginuun.

Nihimyas 9:34

Kanmi manga hari, manga takinan, manga manughandug, hanggan manga ginurang unman magtupad sa kanmu Kasuguan. Unman nida binati kanmu manga sugu hanggan manga pasandam.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 31:6

Manga Israilita, pagbalik-nalub-anan kamu sa Panginuun, masyadu yi gid niyu siya linabag.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Isayas 9:21

Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.

Hirimyas 13:23

Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 44:15

Pagkayamu Hudiyu ti nagtiripun ag namatingi sa kan Hirimyas. Mag-uli sida sa kanaway ag salatan sa Ihiptu. Ti manga lalaki ati ag may alam kanda asawa magtuub manga kamangyan sa manga diyus-diyusan, hanggan ti tanan manga babayi magtiripun ati nanabi sa kan Hirimyas,

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 5:5

Nakan atagun niku duy ti manga takinan nida bag-u hampangun sida. Pihu maintindihan nida ti palakaw pag ipabuwat Panginuun nida Diyus.” Dapat nagbugya diman duy sida magsunud sa manga pag-ipabuwat Diyus.

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Karukuan 5:17

Dahil siyun magkasaktan kanmi tagipusuun ag magpandulum kanmi pamantay.

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 34:4

Unman niyu pagpabaskugun ti manga malumuy sa kanda. Unman niyu pagbulungun ti manga may sakit ngatay pagbugkusan ti manga may bari. Unman niyu paghanapun ti manga nagtalang ngatay ti manga nadura. Bagkus ngap, inunu-unu waya niyu sida.