Isayas 1:4 - Hanunuu

⁴ Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 1:4 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

2 Hari 21:22

ipinurya niya ti Panginuun, ti Diyus niya manga ginurang. Unman siya nagsunud sa palakaw Panginuun.

2 Krunika 12:1

Pagka marig-un yi kay maghari ni Rihubuam ag makapangyarihan yi siya, binugyahan niya ag buu Israil ti kasuguan Panginuun.

2 Krunika 27:2

Matadlung kay binwat ni Hutam sa magbantay Panginuun, parihu sa binwat niya ama ni Usyas. Ag mas matadlung waya siya dahil balaw niya hinuwad ti kasalanan pagbuwatun niya ama sa panab-anan labag kay pag sulud sa Balay Diyus Panginuun. Sa baliw manga kaayadan kay binwat ni Hutam, parargu diman ti manga tawu sa kanda daut pag manga buruwatun.

Nihimyas 1:7

Masyadu daut kanmi binwat laban sa kanmu. Unman nimi tinupad kanmu manga sugu ag manga surundanun ipinakaun nimu sa kanmi sa panab-anan ni Muysis kanmu manugsirbi.

Kanta 58:3

Ti manga daut magpakarayu sa Diyus ag magpamudil ginan waya sa kanda pagkalusad.

Kanta 71:22

Diyus niku, dahil sa kanmu katapatan dayawun niku kawu sa panab-anan pagpatnug alpa. Banal pag Diyus Israil, kantahan niku kawu manga pagdayaw pagpatunugan alpa.

Kanta 78:40

Pira ka bisis naglaban sida sa Diyus ag nagparuku sa kanya ati sa pangawakawaan.

Kanta 78:41

Paulit-ulit nida pagsubukan ti Diyus; ginalit nida ti Banal pag Diyus Israil.

Kanta 78:57

Nagpakarayu sida ag nagpudil sa Diyus parihu sa kanda manga ginurang. Balaw sida masarigan parihu sa daut pag ugyung.

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Kanta 89:18

Panginuun, Banal pag Diyus Israil, kawu ti nagpili sa kanmi hari, ag siya ti magbaliwa sa kanmi.

Pag-ighit 32:7

Magkun ti Panginuun sa kan Muysis, “Paglus-ug yi kawu kadali dahil nagpakadaut kanmu manga kasimanwa ti ipinalwas nimu ginan sa Ihiptu.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 1:28

Dapat rurisun niya ti manga supakil hanggan ti makasalanan, ag midamhak ti magpatlikud sa Panginuun.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 14:20

Balaw kawu ilbung parihu sa iba pag hari, dahil winayak nimu kanmu sadili nasyun ag minatay nimu kanmu manga nasakupan. Unman may masawad sa kanmu daut pag linahi.”

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 30:1

Magkun ti Panginuun, “Kaawaawa kang manga anak supakil. Magbuwat sida manga gayak balaw angay sa kang nalub-anan. Magtaratu sida balaw niku pagpasnuan. Nakan lalu di magkadugangan kanda kasalanan.

Isayas 30:15

Magkun waya ti Panginuun Diyus, ti Banal pag Diyus Israil, “Pagbalik nalub-anan kamu sa kangku pag may kahusayan, dahil iribri niku kamu. Danga kamu magkataranta nu unman pagsarig sa kangku, dahil pabisugun niku kamu. Dapat nagbugya kamu

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 31:2

Sa kadunungan Diyus, mamadara siya sarut, ungud buwatun niya kay manga pagsabihun. Parusahan niya ti manga magtal-anakan daut hanggan ti manga mag-awat sa kanda.

Isayas 37:23

Si unu lugud kanmu pagpuyaan ag paglabagun? Si unu lugud kanmu pag paabwatan busis ag pagpayabangan? Unman aw aku, ti Banal pag Diyus Israil?

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 41:20

hampay makitan, maalaman, ag masalman manga tawu ti nagbuwat inda aku, ti Panginuun, ti Banal pag Diyus Israil.”

Isayas 5:19

Pagsabihun waya niyu, “Daldaliun mana Banal pag Diyus Israil buwatun ti pagsabihun niya pag parusa hampay makitan yi nimi. Pagtutuu mana kay gayak, hampay maalaman nimi inda.”

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Isayas 65:11

Dapat pakurianan niku kamu pag manga nagbugya sa kangku hanggan balaw nagpahalaga sa banal pag bantud niku. Nansagda kamu sa pagpaniwalaan niyu pag manga diyus-diyusan imaw tig pakaun papalad sa kanyu ag mayad pag kapaladun.

Isayas 65:3

Paggalitun nida aku. Pag-ipakakit nida sa kangku ti parargu nida pagsamba sa kanda diyus-diyusan sa panab-anan pagsagda sa manga tanum ag pagsunug manga kamangyan sa harandugan buwat sa daga pinaganit.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 2:33

Madunung gid kamu maglagas sa pagmahalun niyu pag manga diyus-diyusan. Una ti manga babayi baraydan dumunung waya sa kanyu.

Hirimyas 2:5

Inda kay pagsabihun: “Hintay pag kasalanan ti nakitan niyu manga ginurang sa kangku nakan aku kanda binugyahan? Sinunud nida ti manga diyus-diyusan unman may pulus, nakan sida hanggan nagbaliw diman unman may pulus.

Hirimyas 32:32

Paggalitun aku manga taga Israil ag taga Huda dahil sa daut pag buwatun nida — kanda manga hari ag takinan, manga manughandug ag purupita, hanggan ti tanan manga taga Hirusalim.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Hirimyas 7:19

Dapat aku aw ngani ti kanda pagsaktan? Bukun! Kanda di waydi sadili ti pagsaktan ag ti pag-ipauli sa makakaray-a.”

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Isikil 16:33

Magpabayad ti manga babayi magpabili kanda bilug, dapat kawu inda imaw waya ti magpakaun pamakaun sa kanmu manga katagbu hampay magarya nimu sida pumakarani sa kanmu sa pag-ululidan.

Isikil 16:45

Parihu gid kawu sa kanmu ina magpamuya sa kay asawa ag manga anak. Ag parihu diman kawu sa kanmu manga patar-ari babayi magpamuya sa kanda manga asawa ag manga anak. Kanmu ina usa ka Hitiyu ag kanmu ama usa ka Amuriyu.

Danyil 9:11

Naglabag ti tanan Israilita sa kanmu Kasuguan; balaw nida gustu sumunud sa kanmu pagsabihun. Ag dahil sa kanmi kasalanan, rinmas-ug sa kanmi ti saad, ti nakasurat sa Kasuguan ni Muysis, kanmu manugsirbi.

Sipanyas 1:6

Papasun niku ti manga magpatlikud ag unman magdangup sa kangku.

Bilang 32:14

“Taynguna, kamu pag manga lahi makasalanan ti inmilis sa kanyu manga ginurang, dinugangan waya gid niyu ti pangagalit Panginuun sa manga Israilita.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 23:33

“Kamu ga manga ulay, linahi manga udtu adlaw. Kabitay kamu pag makaiwas sa sintinsiya tabug sa impirnu?

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Ruma 8:7

Ti tawu nu mag-intindi sa kay lang sadili kagustuhan niya pagkatawu, siya kalaban yi Diyus, dahil dayu siya magsunud sa kay manga bilin Diyus, dayu gid waydi mahimu.

1 Kurintu 10:22

Gustu aw lugud nita masubukan kay irang Panginuun, kita aw lugud lalu mabisug man sa kanya?

Diyuturunumiyu 29:25

“Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 32:19

Nakitan inda Panginuun, dahil sa kay pangagalit ipinurya niya sida kay manga anak.

Diyuturunumiyu 32:5

Dapat nagkasala kamu sa kanya, balaw yi niya kamu pagkilalan-un kay manga anak dahil sa kanyu kadautan. Manga makasalanan ag madaya pag sinulput-lahi!

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Ipinakakit 18:5

Dahil kay manga kasalanan sunggu yi sa langit, dayi malimtan Diyus kay kadautan.

Talaghusay 10:10

Nakan naghagad awat ti manga Israilita sa Panginuun. Magkun sida, “Nagkasala kami laban sa kanmu, dahil nagpatlikud kami sa kanmu kanmi Diyus ag nagsamba kami sa manga tawu-tawu Baal.”