Isayas 1:26 - Hanunuu

²⁶ Utru maan pakan-an niku kamu manga takinan hanggan manga manugpaanyu ga kaybi. Kanyu banwa ingarnan ‘Banwa manga Matadlung ag Matinupadun pag manga Tawu.’ ”

Isayas 1:26 Iomraidhean Croise

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Isikil 45:8

Inda pag manga daga ti bumaliw huray manga takinan Israil.” “Kang manga takinan balaw yi man-api sa kang nasakupan. Pahintulutan nida ti nasakupan Israil umapu daga niku pag-ipakaun sa kanda angay sa kanda linahi.

Mikas 4:8

Ti Siun, ga abwat pag bantayaw barantayan sa manga hayup, bumaliw makapangyarihan maan. Inda pag banwa, pag-ingarnan diman Hirusalim, imaw maan ti manguna sa tanan banwa Israil ga kaybi.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Bilang 12:3

(Si Muysis mapinakumbabaun gid higit sa tanan tawu sa kalibutan.)

Bilang 16:15

Nagalit si Muysis, magkun siya sa Panginuun, “Danga pagtanggapa kanda manga handug. Unman aku may kasalanan una sa kantapu sa kanda; unman aku may bin-ul sa kanda una lang usa ka asnu.”

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.