Isayas 1:23 - Hanunuu

²³ Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 1:23 Iomraidhean Croise

2 Krunika 36:14

Katida diman ti tanan pangulu manughandug ag ti manga nasakupan unman nagbaliw matinupadun sa Diyus. Sinunud nida ti mayagting pag manga pagbuwatun iba pag manga nasyun ag inuringan nida ti Balay Diyus Panginuun, pag itigana banal sa Hirusalim.

Pag-ighit 23:8

“Danga kamu magtanggap suhul, dahil ti suhul magbuta sa tawu sa katutuuhanan, unman yi magkapakan-an katadlungan ti manga unman may kasalanan.

Kabagawan 17:23

Ti daut pag tawu magtanggap suhul hampay balaw miburayhaw ti katadlungan.

Kabagawan 29:24

Ti tawu kasabwat sa magtakaw pag-ipadamhak niya kay sadili. Una ipinasumpa siya pagtultul kay tutuu, unman gid siya magtultul.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 1:22

Hirusalim, kaybi mahalaga kawu parihu sa pilak, dapat taynguna udyi kawu may pulus. Kaybi parihu kawu sa marinu pag intus, dapat taynguna ga intus yi may lakay danum.

Isayas 28:14

Nakan kamu pag manga magpuya pag manga takinan nasakupan Hirusalim, patingihi niyu ti Panginuun!

Isayas 3:14

Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Isayas 30:1

Magkun ti Panginuun, “Kaawaawa kang manga anak supakil. Magbuwat sida manga gayak balaw angay sa kang nalub-anan. Magtaratu sida balaw niku pagpasnuan. Nakan lalu di magkadugangan kanda kasalanan.

Isayas 33:15

Ti makapadugay tunda lang pag manga tawu magkabuhi matadlung ag balaw magpudil. Balaw maramuun sa kuwarta aw ngatay magtanggap pabagsak. Balaw sida magpausa sa manugmatay tawu ag balaw magbuwat iba waya pag manga daut buruwatun.

Isayas 5:23

Pagpalpasan niyu ti manga may kasalanan dahil may pabagsak, dapat unman niyu pagpakan-an katadlungan ti ud may kasalanan.

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Hirimyas 32:32

Paggalitun aku manga taga Israil ag taga Huda dahil sa daut pag buwatun nida — kanda manga hari ag takinan, manga manughandug ag purupita, hanggan ti tanan manga taga Hirusalim.

Hirimyas 4:17

Pinalibutan nida ti Hirusalim ga manga tawu manugbantay sa tanman, dahil ti Hirusalim naglaban sa kangku. Aku, ti Panginuun, ti magsabi inda.

Hirimyas 5:5

Nakan atagun niku duy ti manga takinan nida bag-u hampangun sida. Pihu maintindihan nida ti palakaw pag ipabuwat Panginuun nida Diyus.” Dapat nagbugya diman duy sida magsunud sa manga pag-ipabuwat Diyus.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Isikil 12:2

“Anak tawu, mag-ulian kawu kaibahan sa manga maglaban pag nasakupan. May manga mata sida dapat balaw makakit, may manga tuli sida dapat balaw makadnug, dahil manga maglaban sida pag nasakupan.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Husyas 4:18

Pagkatapus nida inum irinmun makalangu, sigi lang sida sa ulid sa manga babayi baraydan. Kanda manga takinan gustu gid bumuwat kakay-ahan kaysa kadayawan.

Husyas 5:10

Ti manga takinan Huda parihu sa manga tawu maghalin manga muhun dahil inagaw nida ti daga Israil. Nakan ibuhus niku sa kanda kang pangagalit parihu sa baha.

Husyas 9:15

Magkun ti Panginuun, “Ti tanan kadautan niku nasakupan nag-umpisa sa Gilgal. Ati di waya kinagalitan yi niku sida. Ag dahil sa kanda kadautan, palayasun niku sida sa Israil kang pagbaliwun ulian. Balaw yi niku sida mahalun; ti tanan nida manga takinan naglaban sa kangku.

Amus 5:12

Dahil alam niku nu kabitay kay kayamu ag nu kabitay kay ka buyat kanyu manga kasalanan. Pag-unuunuhun niyu ti manga tawu unman may kasalanan ag pagkuwartahan waya niyu. Unman niyu pagpakan-an katadlungan ti manga pugri sa hurusayan.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Mikas 6:12

Maapi-api kanyu mayaman pag manga tawu, ag manga pudilun kamu.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Sakaryas 7:10

Danga niyu pag-apiha ti manga buranday babayi, manga ilu, manga pugri, ag ti manga day-uhan magpangulian kaibahan niyu. Danga kamu gayak daut laban sa kanyu kaparihu.’

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Bilang 22:7

Nakan linmakaw ti manga takinan Muab hanggan Midyan may dara pamayad sa kan Balaam. Itinultul nida sa kanya ti ibinilin ni Balak.

Matiyu 21:13

Sinabi ni Hisus sa kanda, “Nisurat sa Banal Kasuratan magkun, ‘Kang balay ingarnan balay darangin. Dapat binwat ngap niyu paratag-an manga mananakaw!’”

Markus 11:17

Bag-u nanudlu siya sa manga tawu magkun, “Unman aw nisurat sa Banal Kasuratan magkun, ‘Kang balay ingarnan balay dararanginan tanan manga nasyun.’ Dapat binwat ngap niyu paratag-an manga mananakaw.”

Lukas 19:46

Sinabi niya sa kanda magkun, “Sinurat sa Banal Kasuratan magkun, ‘Kang balay pag-ingarnan balay dararanginan,’ dapat binwat ngap niyu paratag-an manga mananakaw.”

Lukas 24:27

Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

1 Samwil 8:3

Dapat ti ugali niya manga anak balaw parihu sa kanya, maraibgun sida sa kuwarta, magpasuhul ag balaw nida pag-ilantag ti katadlungan.