Isayas 1:21 - Hanunuu

²¹ Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 1:21 Iomraidhean Croise

2 Samwil 8:15

Naghari si Dabid sa buu Israil. Binwat niya ti matadlung ag hustu para sa tanan niya manga nasakupan.

2 Krunika 19:9

Inda ti sugu niya sa kanda: “Kailangan pagsirbi kamu matinupadun ag buu tagipusuun, may paggalang sa Panginuun.

Nihimyas 11:1

Ati katpung pag panahun, ti manga takinan nasakupan Israil mag-ulian sa Hirusalim, sa banal pag banwa. Naglunggungan ti manga nasakupan hampay sa kada sampulu ka magtal-anakan may usa ka magtal-anakan mangulian sa Hirusalim, habang ti nasawad matayak sa kanda manga banwa.

Kanta 46:4

May sapa magpakaun kabayaan sa banwa Diyus, ti banal pag ulian Kaabwat-abwatan pag Diyus.

Kanta 48:1

Makamaskihan ti Panginuun nita Diyus, ag dapat gid dayawun sa kay banwa asan sa kay banal pag bantud.

Kanta 48:8

Nasaydan nimi kaybi ti manga pinamuwat Diyus ag kainda nakitan nimi inda sa banwa nimi Diyus, ti Panginuun Makamaskihan. Parig-unun niya inda pag banwa hanggan aban.

Isayas 1:22

Hirusalim, kaybi mahalaga kawu parihu sa pilak, dapat taynguna udyi kawu may pulus. Kaybi parihu kawu sa marinu pag intus, dapat taynguna ga intus yi may lakay danum.

Isayas 26:10

Una pagkaawaan nimu ti daut, unman diman sida magdunung mangabuhi matadlung. Una waya sida nangulian kaibahan manga matadlung, parargu di gid sida sa kanda buruwatun daut, ag balaw nida pagkilalan-un kanmu kamaskihan.

Isayas 48:2

Pagsabihun waya niyu kamu manga nasakupan banal pag banwa, ag magpaniwala kamu sa Diyus Israil, kay ngaran Panginuun Makamaskihan.”

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 59:14

Imaw ti singyanan nakan udwaya pagsintinsiyahan Diyus kanta manga kalaban ag udwaya kita pagpakan-an panalu may katadlungan. Dahil udyi mag-akitan ti katutuuhanan una naan, ag ti manga tawu balaw yi masarigan.

Isayas 59:15

Ungud, nadura yi ti katutuuhanan, ag ti manga mag-aman sa kadautan pag-unuunuhun. Nakitan tunda Panginuun ag nanruku siya dahil sa unman may katadlungan.

Isayas 59:3

Dahil magmatay kamu, magbuwat waya manga tuhay pag kadautan. Magbagaw kamu manga kapudilan.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Ipinakakit 11:2

Dapat danga dap nimu pagsukata kay manga parasyaran sa luwas Balay Diyus, dahil ipinahintulut tunda sa manga tawu unman magpasakup sa Diyus. Sulud upatpulu may duwa ka bulan kanda aban tatatataan lulud ti banal pag banwa.

Ipinakakit 11:8

Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.