Isayas 1:12 - Hanunuu

¹² Si unu ti nagsugu sa kanyu kuntay daran-a inda tanan nu magsamba kamu sa kangku? Si unu ti nagsugu sa kanyu pagtata sa kang Balay?

Isayas 1:12 Iomraidhean Croise

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Pag-ighit 23:17

“Kailangan lumuwang kanyu kalalakihan sa inda pag tulu ka pista kada timpu hampay sumamba sa kangku, ti Panginuun kanyu Amu.

Pag-ighit 34:23

“Kada timpu, ti tanan niyu kalalakihan kailangan umatag sa inda pag tulu ka pista pagsamba sa kangku, ti Panginuun kanyu Amu, ti Diyus Israil.

Manugtudlu 5:1

Pag-aman kawu sa kanmu pagbuwatun nu atag kawu sa Balay Diyus. Mas mayad umati kawu alistu sumunud sa Diyus, kaysa manhandug parihu sa handug usa ka unman may kabuluhan pag tawu unman alam nu hintay ti mayad ag ti daut.

Hirimyas 7:11

Hayga, unu kanyu hantup inda pag Balay Diyus kang pinili agud sambahun aku, paratag-an aw manga mananakaw? Mag-akitan niku ti manga pagbuwatun sa Balay Diyus. Aku, ti Panginuun, ti magsabi inda.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Sakaryas 7:5

“Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.

Matiyu 23:5

Lunsay pakakit-kakit lang sa manga tawu kanda buwat. Paglapadun nida kanda kulimpay pandarangin. Ag hampay ipakakit nida kuntay matutum kanda pagsarig, pag-ipaaba nida kay paraway-raway sa sidsid nida kulimpay.

Diyuturunumiyu 16:16

“Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.