Isayas 1:10 - Hanunuu

¹⁰ Kamu pag manga takinan hanggan manga nasakupan Hirusalim parihu sa manga taga Suduma ag Gumura, patingihi niyu ti bagaw ag kasuguan Panginuun nita Diyus.

Isayas 1:10 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Isayas 28:14

Nakan kamu pag manga magpuya pag manga takinan nasakupan Hirusalim, patingihi niyu ti Panginuun!

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Isikil 13:2

“Anak tawu, pagtultul kawu laban sa pudilun pag manga purupita Israil magpanhula ginan lang sa kanda sadili naisipan. Sabihi sida pagpatingi sa inda pag tultulanun niku:

Isikil 16:35

“ ‘Nakan kawu pag uragin, patingihi kang paanyu.

Isikil 16:46

Ti aka nimu babayi imaw ti Samarya ati pag mag-uli sa salatan kaibahan kay manga anak babayi. Kanmu arian babayi imaw ti Suduma, ati mag-uli sa kanaway kaibahan kay manga anak babayi.

Isikil 16:49

Ti kasalanan Suduma kanmu patar-ari imaw ti magpalabaw-labaw. Siya ag kay manga anak babayi abunda sa karan-unun ag maalwan kay pagpangabuhi, dapat unman gid sida nan-awat sa manga pugri.

Amus 3:1

“Kamu pag manga taga Israil, kanyu manga ginurang ipinalwas Panginuun sa Ihiptu, patingihi niyu inda kay pagsabihun laban sa kanyu:

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Amus 9:7

Magkun ti Panginuun, “Kang magbantay sa kanyu pag manga taga Israil parihu lang sa manga taga Itiyupya. Tutuu ipinalwas niku kamu sa Ihiptu, dapat ipinalwas diman niku ti manga Pilistiyu sa Kaptur hanggan ti manga Aramiyu sa Kir.

Mikas 3:1

Magkun si Mikas, “Pagpatingi kamu manga takinan Israil ag Huda! Balaw aw kamu ti dapat magpatupad katadlungan?

Ruma 9:29

Si Isayas diman ti may sabi magkun, “Ti Panginuun makamaskihan sa tanan nagsawad di kay iba sa kanta lahi. Nakan kita unman niparihu ga Suduma ag ga Gumura.”

Diyuturunumiyu 32:32

Kanta manga kalaban, parihu kay ka daut sa manga mag-uli sa Suduma ag Gumura, parihu sa ubas mapait ag makahililu kay burak.

Ipinakakit 11:8

Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.