Isayas 1:1 - Hanunuu

¹ Inda pag ribru tungkul sa ipinaburayhaw Diyus sa kan Isayas kay anak ni Amus. Tungkul inda sa Huda ag sa Hirusalim katpung naghari sa Huda sida ni Usyas, ni Hutam, ni Akas ag ni Isikyas.

Isayas 1:1 Iomraidhean Croise

2 Hari 15:1

Naghari sa Huda si Asariyas kay anak ni Amasiyas pagka ika-27 pag timpu kay naghari ni Hirubuam II sa Israil.

2 Hari 15:13

Naghari sa Israil si Salum kay anak ni Habis katpung 39 pag timpu kay maghari ni Usyas sa Huda. Sa Samarya pag nangulian si Salum, naghari siya sa sulud usa lang ka bulan.

2 Hari 15:32

Naghari sa Huda si Hutam kay anak ni Asariyas sa ikadwa pag timpu kay maghari ni Pika, kay anak ni Rimalya, sa Israil.

2 Hari 15:7

Pagka namatay si Asariyas, ilinbung siya sa lulubngan niya manga ginurang sa Banwa ni Dabid. Ag si Hutam kay anak imaw ti nag-ublus sa kay pagka hari.

2 Hari 18:1

Naghari sa Huda si Isikyas kay anak ni Akas sa ikatlu pag timpu kay maghari ni Husyas, kay anak ni Ila, sa Israil.

2 Hari 19:2

Ipinaatag niya sa kan Isayas, anak ni Amus, sida ni Ilyakim ti manugpamahala sa balay hari, si Sibna ti manugsurat, hanggan ti manga takinan manga manughandug. Sida tanan may sulung saku.

2 Krunika 26:1

Ti itinulus manga nasakupan Huda sa kan Amasiyas bilang hari kay anak si Usyas may 16 ka timpu kay idad.

2 Krunika 26:22

Ti iba waya ka tultulanun tungkul sa maghari ni Usyas, ginan sa umpisa tugka sa katapusan, isinurat ni Purupita Isayas kay anak ni Amus.

2 Krunika 27:1

Si Hutam 25 ka timpu kay idad pagka naghari siya. Sa Hirusalim siya pag nangulian, ag naghari siya sa sulud 16 ka timpu. Kay ina si Hirusa kay anak ni Saduk.

2 Krunika 28:1

Si Akas 20 ka timpu kay idad pagka naghari siya. Sa Hirusalim siya pag nuli, ag naghari siya sa sulud 16 ka timpu. Nagbuwat siya daut sa magbantay Panginuun, balaw parihu sa binwat niya ginurang ni Dabid.

2 Krunika 29:33

Nandara diman sida tuhay waya pag manga handug 600 tudu baka ag 3,000 karanidu hanggan kambing.

Kanta 89:19

Kabag-u nanpakihampang kawu sa kanmu matinupadun pag manga manugsirbi sa panab-anan pangakakitun. Magkun kawu, “Inawatan niku ti usa ka sundalu. Pinili niku siya ginan sa kang nasakupan hampay buwatun hari.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 2:1

Inda ti ipinaburayhaw Diyus sa kan Isayas kay anak ni Amus tungkul sa Huda ag Hirusalim:

Isayas 20:2

Bag-u inda nangyari, magkun ti Panginuun sa kan Isayas kay anak ni Amus, “Ubaha nimu kanmu rutay panruku hanggan lapak.” Binwat ngani inda ni Isayas, bag-u palakaw-lakaw siya uba ag unman may lapak.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 37:2

Pinaatag niya sa kan Isayas kay anak ni Amus si Ilyakim ti manug-asikasu sa balay hari, si Sibna ti manugsurat hanggan ti manga pangulu manughandug may manga sulung rutay saku.

Isayas 38:1

Ati katpung pag sirang, nasakit si Isikyas harus ikamatay yi niya. Nag-atag sa kanya si Purupita Isayas anak ni Amus ag magkun, “Magkun ti Panginuun pagbilin yi kawu sa kanmu magtal-anakan dahil udyi kawu maayadan, mamatay yi kawu.”

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 6:1

Kaybi katpung timpu pagkamatay ni Hari Usyas, nakitan niku ti Panginuun matukawan sa abwat pag turukawan. Kay aba niya rutay magtaklub sa buu Balay Diyus.

Isayas 7:1

Katpung si Akas anak ni Hutam laki ni Usyas ti Hari sa Huda, ginira duy ti Hirusalim. Ginira duy tunda ni Hari Risin taga Aram hanggan ni Hari Pika taga Israil, anak ni Rimalya. Dapat balaw nida naagaw ti Hirusalim.

Hirimyas 23:16

Magkun ti Panginuun Makamaskihan sa manga taga Hirusalim, “Danga kamu magpasnu sa pagsabihun manga pudilun pag purupita. Pagpasarigun lang nida kamu sa manga kapudilan. Balaw ginan sa kangku kanda manga pagsabihun pangakakitun, nu unman ginan lang sa kanda sadili naisipan.

Isikil 1:1

Aku si Isikil ti manughandug, kan Busi anak, ag usa aku sa manga binihag sa Babilunya. Usa ka sirang, katpung ati aku mag-uli sa saruy Sapa Kibar kaibahan ti iba manga bihag, binmukas ti langit ag sinuldan aku kamaskihan Panginuun, ag may manga ipinakakit siya sa kangku manga pangakakitun. Nangyari inda sa ikalima pag sirang katpung ikap-at pag bulan katpung ika-30 pag timpu. Ikalima inda pag timpu pagkabihag sa kan Hari Hihuyakin.

Husyas 1:1

Inda ti bagaw ibinarita Panginuun sa kan Husyas kay anak ni Biri katpung panahun hari sa Huda si Usyas, si Hutam, si Akas ag si Isikyas, hanggan katpung panahun hari sa Israil si Hirubuam kay anak ni Huas.

Amus 1:1

Inda ti tultulanun ni Amus taga Tikwa, ti manug-alaga manga karanidu. Inda pag tultulanun tungkul sa Israil. Ipinadangat inda Diyus sa kanya duwa ka timpu bag-u di nangyari ti linug, katpung panahun si Usyas ti hari sa Huda ag si Hirubuam kay anak ni Huas ti hari Israil.

Amus 4:5

Pagsunug kamu tinapay may pamadaka bilang handug pasalamat sa kangku. Malu, ipadayaw niyu tunda hanggan kanyu manga buluntad pag handug, dahil tunda kanyu pagkaibgan buwatun. Aku, ti Panginuun Diyus, ti magsabi inda.

Mikas 1:1

Inda ti bagaw Panginuun tungkul sa Samarya hanggan sa Hirusalim. Itinultul niya inda sa kan Mikas taga Murisit katpung hari sa Huda sida ni Hutam, ni Akas ag ni Isikyas. Magkun si Mikas,

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Habakuk 2:2

Kaindaay ti sagut Panginuun sa kan Habakuk: “Suratan kalinaw sa batu malapad ti pagsabihun niku sa kanmu hampay madali inda basahun.

Bilang 12:6

magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up.

Bilang 24:16

Nasaydan niku ti bagaw Kaabwat-abwatan pag Diyus ag pinakan-an niya aku pan-intindi. Nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit::

Bilang 24:4

Nasaydan niku ti bagaw Diyus, ag nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit:

Matiyu 17:9

Sa kanda maglus-ug ginan sa bantud sinabi ni Hisus sa kanda magkun, “Danga dapu sabihun niyu una sa kantapu ti kanyu nakitan hanggan sa udwaya mabuhi uman ti Anak Tawu.”

Binwat 10:17

Magpakaisip waya si Pidru nu hintay nguna kay kahulugan ti ipinakakit Panginuun sa kanya, naras-ugan yi ngap siya manga suruguun ni Kurnilyu. Pagka nagpatudlu sida sa manga tawu nu naan kan Simun balay, nag-ati ngani sida,

Binwat 26:19

“Nakan duy Hari Agripa, lubus aku naniwala sa kay ipinakakit Panginuun ginan sa langit.

2 Kurintu 12:1

Mahimu diman aku magpadayaw-dayaw madi unman may pakinabang siti. Taynguna aku may itultul maan tungkul sa manga ipinakakit Panginuun hanggan tungkul sa manga ipinakilala niya.

2 Pidru 1:21

Dahil unman may ipinurupita nu ginan lang sa kagustuhan tawu. Inda pag bagaw ginan gid sa Diyus ag binagaw manga tawu angay sa udyuk Ispiritu Banal.