Ipisu 5:4 - Hanunuu

⁴ Danga yi pagpakan-i rugar una hintay pag mahalay, una manga harampangan ud may kabuluhan, una ti harakutan ud may pulus. Bagkus ngap pagpasalamat gid kamu sa Diyus.

Ipisu 5:4 Iomraidhean Croise

Kanta 33:1

Kamu pag manga matadlung, paghuyaw kamu sa kabayaan dahil sa binwat Panginuun sa kanyu. Kamu pag manga magkabuhi sa hustu, kailangan dayawun niyu siya!

Kanta 92:1

Panginuun Kaabwat-abwatan pag Diyus, mayad gid ti magpasalamat ag magkanta manga pagdayaw sa kanmu.

Kabagawan 12:23

Ti madunung pag tawu unman magpadayaw sa kay kadunungan, dapat ti kurang kay intindi pag tawu pag-ipakakit gid niya kay kalukuhan.

Kabagawan 15:2

Ti manga pagbagawun madunung pag tawu makapakaun kadunungan, dapat ti manga pagbagawun kurang kay intindi pag tawu lunsay kalukuhan.

Manugtudlu 10:13

Sa kabag-u di waya kalukuhan yi kay manga pagbagawun, sa uryan daut yi gid, ga unman yi siya sa kay sadili.

Danyil 6:10

Pagka naalaman ni Danyil kuntay nagpirma ti hari, nuli siya ag sinmulud sa kay sulud-sulud sa ikadwa pag ugpu salug, may manga gaha ati maatubangan sa Hirusalim. Ati siya pag magdarangin ag magdayaw maluhudan sa kay Diyus tulu ka bisis sa usa ka sirang, angay sa kay kinaugalian.

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

Huwan 6:23

Dapat may manga duunduun rinmas-ug ginan sa Tibiryas sa arani nida kinan-an tinapay pag rugar sa katpung nagpasalamat ti Panginuun.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

2 Kurintu 1:11

Kailangan pag-awat waydi kamu sa darangin, hampay mayamu ti pumasalamat sa Diyus dahil sa kay papalad sa kanmi bilang sagut niya sa mayamu nandarangin.

2 Kurintu 9:15

Salamat sa Diyus dahil sa kay pakaun unman may makatimbang.

Ipisu 1:16

balaw may apas kang pasalamat sa Diyus tungkul sa kanyu. Ag balaw magkalimtan niku kamu sa kang manga darangin.

Ipisu 4:29

Danga kamu magbagaw daut, pag-isipa pirmi kanyu baragawun tunda ikamayad, insaktu sa kay udas, hampay makinabangan manga nakadnug.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Kulusas 3:8

Dapat kainda, patlikudi yi niyu ti tanan inda, ti galit, ti pusuk yi pag isug, ti magkutub daut. Iwasi yi gid niyu ti pagmuransa, ti mayagting pag baragawun.

1 Tisalunika 3:9

Kabitay nguna pag kumang-ud kanmi pasalamat sa Diyus tungkul sa kanyu ag tungkul sa kabayaan kanmi tinanggap dahil sa kanyu sa atubangan nita Diyus.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

Pilimun 1:8

Dahil sa kanta pakiusa sa kan Kiristu, mahimu mana aku magpaanyu sa kanmu, Pilimun, kuntay tupada yi lang nimu inda.

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 2:7

Dapat irinibri niya si Lut dahil siya matadlung. Irinuku gid ni Lut ti mahalay pag ugali manga magbuwat kadautan.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.