Biblia Todo Logo
Bìoball air-loidhne

- Sanasan -




Ipisu 5:2 - Hanunuu

2 Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Faic an caibideil Dèan lethbhreac




Ipisu 5:2
54 Iomraidhean Croise  

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.


Sunuga nimu inda tanan sa harandugan bilang handug pagsunugun para sa kangku. Ti mabanglu pag hungaw inda pag handug sa panab-anan apuy makapasulung sa kangku.


Bag-u bul-a nimu inda sa kanda ag sunuga sa harandugan kaibahan ti manga handug pagsunugun. Ti mabanglu pag hungaw inda pag handug sa panab-anan apuy makapasulung sa kangku.


Kailangan ugasan dapu manughandug ti manga sa sulud bilug, hanggan kay manga lulud tunda. Bag-u ti manughandug yi ti mansunug tunda tanan sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.


Buk-un niya ti manuk sa panab-anan paglanit kay pakpak, dapat balaw niya utasun kay pakpak. Bag-u sunugun niya ti manuk sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.


Kailangan ugasan dapu manughandug ti manga sa sulud bilug, hanggan kay manga lulud tunda. Bag-u ti manughandug yi ti mansunug tunda tanan sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.


Inda tanan sunugun manughandug sa harandugan bilang handug karan-unun. Kay hungaw tunda pag handug sa panab-anan apuy makapasulung gid sa Panginuun. Para sa Panginuun ti tanan pag taba.


“Pagkadat-an gid niku kanyu manga kapistahan; unman gid aku magbaya sa kanyu pagbuwatun pag tiripun.


Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”


Aku duy may bag-u pag bilin sa kanyu magkun, pagmalahalan kamu sa usa kag sa usa. Nu kabitay kang nagmahal sa kanyu, pagkatunda diman waydi kamu pagmalahalan sa usa kag sa usa.


Aku ti nagsitay ginan sa langit ga karan-unun makapakaun buhi. Nu kan-un tawu inda pag karan-unun, may tutuu pag buhi siya unman may katapusan. Ti karan-unun kang ipakaun imaw yi kang bilug sa ikabuhi manga tawu sa babaw daga.”


hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.


Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.


Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.


Inda tanan pag kakurian kaya di ay nita madaug dahil sa kanta Panginuun Hisus imaw tigmahal sa kanta.


Buwatun niyu ti tanan tarabahu niyu may pagmahal sa Diyus hanggan sa manga tawu.


Bul-a yi niyu ti daan pag pamadaka, imaw ti pagkumnun kasalanan, hampay kamu manga malumpiyu yi. Dahil alistu yi kanta Kapistahan sa Pag-alaala sa Karibrihan, minatay yi si Kiristu, ti Anak Karanidu.


Dapat salamat sa Diyus, dahil sa kanta pakiusa sa kan Kiristu, pirmi kita pagdarahun Diyus ga manga pirisu hampay ipadakit kay panalu ni Kiristu. Paggamitun kita Diyus hampay ikalat sa tanan rugar ti pagkilala sa kan Kiristu parihu ga hungaw mabanglu.


Kita ga katunda kamangyan mabanglu pag-ipatuub ni Kiristu para sa Diyus. Magkahungawan kay banglu manga pag-iribri hanggan manga midamhak.


Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.


Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.


Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.


Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,


hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,


Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.


Bagkus ngap pumirmaminti kita sa katutuuhanan may tapil di pagmahal hampay bumaliw parihu kita sa kanta pakiusa sa kan Kiristu. Siya ti kanta ulu.


Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.


Nakan ngani pagmadahan yi gid kamu sa kanyu mag-ugali. Pag-ugali kamu parihu sa manga matinudukun, danga parihu sa manga unman may namuangan.


Kamu pag manga lalaki, mahalun niyu kanyu sadili asawa babayi parihu diman sa kay pagmahal ni Kiristu sa iglisya. Ipinakaun kabay niya kay buhi, namatay siya para sa iglisya,


Kailangan balaw inandasan ti manga batu buwatun niyu harandugan. Bag-u manhandug kamu sa inda pag harandugan manga handug pagsunugun para sa Panginuun niyu Diyus.


Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.


Lalu pagmalahalan kamu dahil imaw ti pinagkabugkus sa kanyu lubus pagkarausa.


Unman yi kailangan tudluan waya nimi kamu tungkul sa pagmahal sa manga patar-ari sa Panginuun, dahil tinudluan yi waydi kamu Diyus, hampay kamu magmalahalan sa usa kag sa usa.


Ipinakaun niya kay sadili bilug naglukat sa tanan tawu. Sa taning pag kaudasan pag ipinakilala niya kay ginayak Diyus pag karibrihan.


Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.


Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.


Dahil ti kada pangulu manughandug sa Balay Diyus binugtangan katungkulan hampay kay ihandug niya sa Diyus manga pagkaun hanggan manga hayup pagmatyun pagsunugun. Nakan kailangan diman waydi may alistu siya manga handug sa Diyus.


Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.


Kailangan lumpiyuhun sa katunda pag paraan ti manga bagay kanda paggamitun sa kanda magsamba, kanda hinuwad ginan sa manga kagamitan sa langit. Dapat ay lalu mahalaga pag ihandug sa Diyus ti kailangan tungkul sa manga kagamitan sa langit.


Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.


Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.


Siti nita pag makilala ti pagmahal, sa kay unman nag-irang ni Hisu-Kiristu kay kinabuhi sa kamatayan para sa kanta. Nakan kailangan balaw diman irangan nita kanta buhi para sa manga patar-ari.


Inda yi kay sugu, kailangan pagsarig kita sa ngaran niya Anak, sa ngaran ni Hisu-Kiristu. Kailangan gid kita pagmalahalan sa usa kag sa usa, angay diman sa kay ibinilin sa kanta.


Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.


Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.


Lean sinn:

Sanasan


Sanasan