Ipisu 4:5 - Hanunuu

⁵ May usa lang ka Panginuun, usa lang ka sarig, usa lang ka tulbaw.

Ipisu 4:5 Iomraidhean Croise

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Binwat 2:36

“Nakan ngani kamu ti buu nasyun Israil, pagpasnui yi niyu kuntay tunda pag Hisus kanyu ipinaku sa kurus imaw ngap ti binwat Diyus Panginuun. Siya yi ti Pinili Diyus Manugribri pag Hari.”

Ruma 3:30

Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

1 Kurintu 1:13

Maayaw-ayaw aw lugud si Kiristu? Balaw si Pablu ti ipinaku sa kurus dahil sa kanyu. Pagka kamu itinulbaw balaw kamu ipinasakup sa ngaran ni Pablu.

1 Kurintu 1:2

Inda pag surat tabug sa kanyu, sa iglisya Diyus sa banwa Kurintu. Kamu manga banal dahil sa kanyu pakiusa sa kan Kiristu Hisus. Kamu ipinablag yi ginan sa kalibutan minsan sa tanan tawu sa kada rugar magsampit sa ngaran nita Panginuun Hisu-Kiristu, kanda Panginuun, kanta diman tanan Panginuun.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

1 Kurintu 12:5

May tuhay-tuhay pag manga arasikasuhun, dapat usa lang ka Panginuun ti pagsirbihan.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

2 Kurintu 11:4

Dahil ungud gid matiniisun kamu sa kanyu magtanggap sa una hintay pag tawu nu magras-ug asan magpanudlu tuhay pag Hisus sa kanmi itinudlu sa kanyu ag pagtanggapun diman waydi niyu ti tuhay pag ispiritu hanggan tuhay pag adal sa kanmi itinudlu sa kanyu.

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Ipisu 4:13

Nu katunda kita tanan magkarausa aban sa kanta pagsarig hanggan sa kanta pagkilala sa Anak Diyus. Bag-u udyi may ikasabi sa kanta, parihu sa kan Kiristu, unman yi may kakurangan una di.

Pilipus 2:11

Ipabantug nida tanan magkun, “Si Hisu-Kiristu ti Panginuun,” hampay lalu dayawun ti Diyus Ama.

Pilipus 3:8

Balaw lang kang pagtupad sa Kasuguan, hanggan ti tanan pag manga buruwatun kang sinipagan kaybi pag-isipun niku udyi gid ngap mahalaga sa kangku taynguna. Dahil ti pinakamahalaga sa kangku kang pagkilala hanggan kang pakiusa sa kan Kiristu Hisus sa kang Panginuun. Dahil sa kanya dinayu yi niku ti tanan pag manga bagay, ga paruk yi lang balaw yi pagpahalagahan niku hampay sa kangku yi si Kiristu, imaw ti tutuu gid mahalaga,

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Titu 1:4

Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.

Hibriyu 13:7

Isipun niyu ti nangatungkulan sa kanyu kaybi, sida ti nagpaliwanag kay Bagaw Diyus sa kanyu. Isip-isipun niyu nu kabitay kanda nangugali sitay sa babaw daga hanggan kanda ikinamatay. Huwada niyu kanda pagsarig sa Diyus.

Hibriyu 6:6

Dayu yi mauman sida mataban sa pag-ampu sa kasalanan dahil ga kanda ngap pag-ipaku maan ti Anak Diyus sa kurus ag pag-ipasurug maan nida siya sa hayagan.

Santiyagu 2:18

Dapat abi may magsabi magkun, “May pagsarig kawu, aku bay sa buwat.” Kang sagut waydi, ipakakit duy nimu kanmu pagsarig nu unman may tapil buwat. Ipakilala diman waydi niku sa kanmu kang pagsarig dahil sa kang manga buwat.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.