Ipisu 4:12 - Hanunuu

¹² Sida tanan may katungkulan hampay paanadun nida sa buruwatun ti tanan manga nasakup sa Diyus, sa ikarig-un iglisya ni Kiristu.

Ipisu 4:12 Iomraidhean Croise

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Binwat 1:17

Kanmi diman waydi kaibahan siya dahil pinili siya ni Hisus hampay minsan diman siya sa kanmi sa buruwatun Panginuun.”

Binwat 1:25

hampay siya yi ti kailis sa katungkulan sa pagka-apustul kay tinayakan ni Hudas, pagka siya atag sa rugar angay niya atagan.”

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ruma 12:5

Katunda diman kita mayamu magkausa diman sa kabuuhan bilug ni Kiristu, ti kada usa may kabahagi tag sa manga iba.

Ruma 12:7

Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

Ruma 14:19

Nakan hingabtun gid nita buwatun ti manga bagay makaparig-un sa kada usa.

Ruma 15:14

Manga patar-ari, lubus aku magpaniwala ud may kurang kanyu kaayadan, may kang-ud kanyu kaalaman ag madunung kamu magparaalalahanan sa usa kag sa usa.

Ruma 15:2

Bagkus ngap pakan-an nita kasulungan kanta patar-ari nu ikamayad niya, hampay bumisug kay pagsarig.

Ruma 15:29

Alam niku nu umasan aku, may imaw abunda aku pag papalad ginan sa kan Kiristu para sa kanyu.

1 Kurintu 12:27

Kamu yi ngani ti bilug ni Kiristu ag ti kada usa sa kanyu manga gamit bilug niya.

1 Kurintu 12:7

Dapat sa kada tawu pag-ipahayag Ispiritu kay kapangyarihan agud mapakinabangan tanan.

1 Kurintu 14:12

Katunda diman kamu dahil kanyu paghangadun ti manga pakaun Ispiritu Banal, hangadun niyu hampay lubus yi sa kanyu ti manga pakaun Ispiritu sa ikarig-un iglisya.

1 Kurintu 14:14

Dahil nu aku magdarangin sa tuhay-tuhay pag pamagaw, kang lang tagipusuun tig darangin dapat unman miabay kang naisipan.

1 Kurintu 14:26

Manga patar-ari, hintay nguna ti ibug sabihun inda tanan? Sa kanyu magtiripun ti usa kumanta, ti usa tumudlu, ti usa magpurupita, ti usa maan bumagaw sa tuhay-tuhay pag pamagaw bag-u may usa maan pumaliwanag sa kay ibug sabihun. Buwatun niyu ti tanan bagay sa ikarig-un iglisya.

2 Kurintu 12:19

Kanyu aw lugud isip kang lang pag-iiwas kang sadili bilug? Bukun duy. Magbagaw aku sa atubangan Diyus angay sa kanta pakiusa sa kan Kiristu. Kamu kang gid pagmahalun. Ti tanan kang pagbuwatun sa ikarig-un di niyu pagsarig.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 13:9

Magbaya diman kami una malumuy kami, nu lang kamu rumig-un. Nakan ngani kanmi pag-idarangin kamu hampay kamu kang-ud yi udyi may kakurangan sa atubangan Panginuun.

2 Kurintu 3:8

Unman aw lalu may kadayawan ti pakaun Ispiritu?

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

2 Kurintu 5:18

Ti tanan inda ginan sa Diyus. Sa panab-anan lang ngani ni Kiristu pag nipausa Diyus kita sa kanya. Bag-u pinili kami Diyus sa inda pag buruwatun hampay ipausa nimi ti manga tawu sa kanya.

2 Kurintu 6:3

Nag-aman kami sa pagbuwat karadat-an una sa kantapu pag tawu, hampay balaw mapuyaan kanmi pagsirbi.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Ipisu 1:23

Ti iglisya imaw ti pinagkabilug ni Kiristu. Siti pag ipinauli kay kalubusan ni Kiristu hampay aban udyi may masawad lunsay sakup yi sa kay kalubusan ni Kiristu.

Ipisu 4:16

Sa panab-anan niya magkaminsan ti bilug may manga gamit sinugdung-sugdung manga kaluas-luasan. Si Kiristu tigpakaun kabisugan sa kada gamit hampay makatupad sa kay katungkulan bag-u ti buu bilug dumaka ag bumisug sa pagmahal.

Ipisu 4:29

Danga kamu magbagaw daut, pag-isipa pirmi kanyu baragawun tunda ikamayad, insaktu sa kay udas, hampay makinabangan manga nakadnug.

Ipisu 4:4

Kita ti manga magsarig usa lang ka bilug, usa lang ka Ispiritu ti nangulian sa kanta. Usa lang kanta pagsarigan pagka kita kay tinawag.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 4:17

Isabi niyu sa kan Arkipu magkun, “Pagpararguhan di niya ti buruwatun kay tinanggap ginan sa Panginuun.”

1 Timutiyu 1:12

Magpasalamat aku sa kanta Panginuun Kiristu Hisus, dahil siya tigpabisug sa kangku hampay mabuwat niku inda pag buruwatun ag kinilala niya aku kuntay aku matinupadun, nakan pinili niya aku hampay magsirbi sa inda pag katungkulan.

2 Timutiyu 4:11

Si Lukas wadi kang kaibahan. Hanapa nimu si Markus, tabana nimu sitay tag dahil daka kay miawat sa kang manga buruwatun.

2 Timutiyu 4:5

Nakan ngani pagmapinigilun kawu sa tanan udas. Pag-agwantaha nimu ti kakurian magras-ug sa kanmu. Tupada nimu ti katungkulan manugpadakit Mayad pag Barita. Asikasuha gid nimu inda pag buruwatun.

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.

Hibriyu 6:1

Nakan danga yi kanta pag-adalan ti nalawyan yi pag manga adal tungkul sa kan Kiristu. Pagparargu yi kita ilubus nita kanta tudlu. Danga yi balikan nita ti kabag-u itinudlu tungkul sa pag-ampu sa manga unman may kabuluhan pag tarabahu, hanggan tungkul sa pagsarig sa Diyus,