Ipisu 4:11 - Hanunuu

¹¹ Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Ipisu 4:11 Iomraidhean Croise

2 Krunika 15:3

Sa kadugayun pag panahun nangabuhi ti manga taga Israil unman may tutuu pag Diyus, unman may manga manughandug magtudlu sa kanda, ag unman may kasuguan.

Hirimyas 3:15

Bag-u pakan-an niku kamu takinan gustu niku ti manugpanguna sa kanyu may kadunungan ag intindi.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 21:8

Pagka sa usa ka sirang linmakaw maan kami ginan sa Tulimaida atabug sa banwa Sisariya. Ati sa Sisariya dinmayun kami sa balay ni Pilipi. Si Pilipi manugpadakit waydi sa Mayad pag Barita, kabilang siya sa pitu ka lalaki manga pinili kaybi sa Hirusalim.

Ruma 12:7

Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

1 Kurintu 12:4

May tuhay-tuhay pag pakaun madi usa lang ka Ispiritu.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Ipisu 3:5

Inda pag madalum pag katutuuhanan unman ipinaburayhaw sa manga tawu ati katpung kaybi pag udas. Dapat kainda kay ipinakilala yi Ispiritu Banal sa kay manga sakup niya, sa kay manga apustul, hanggan purupita.

Ipisu 4:8

Kainda ti pagsabihun sa Banal Kasuratan magkun, “Pagka siya inmatag sa langit, nanaban siya sa mayamu pag nabihag, bag-u may ipinakaun siya sa manga tawu.”

2 Timutiyu 4:5

Nakan ngani pagmapinigilun kawu sa tanan udas. Pag-agwantaha nimu ti kakurian magras-ug sa kanmu. Tupada nimu ti katungkulan manugpadakit Mayad pag Barita. Asikasuha gid nimu inda pag buruwatun.

Hibriyu 5:12

Dahil mana kamu kainda madunung yi magtudlu, dapat kailangan ngap may magtudlu waya maan sa kanyu tungkul sa kabag-u ginan pag umpisa adal Bagaw Diyus. Gatas maan kanyu kailangan, bukun maaw maganit pag karan-unun.

Hudas 1:17

Dapat duy, mahal niku pag manga patar-ari, alalahana di niyu ti ipinurupita manga apustul nita Panginuun Hisu-Kiristu.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.