Ipisu 4:10 - Hanunuu

¹⁰ Ti sinmitay sa babaw daga imaw diman ti inmatag sa kaabwat-abwatan, sa tungud langit, agud siya tig-ukub sa tanan-tanan.

Ipisu 4:10 Iomraidhean Croise

Matiyu 24:34

Ungud duy kang pagsabihun sa kanyu, dayu mamatay inda pag manga tinubu tawu hanggan sa ud matupad inda tanan-tanan kang sinabi.

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Huwan 1:16

Unman may kinatabwanan ti kaayadan kay ipinapalad sa kanta dahil sa kay lubus mayad nabubut-un.

Huwan 19:24

Nanharampangan ngani ti manga sundalu magkun, “Danga duy nita paggitasa. Kanta ilaban sa lunggungan nu sa kantapu tag inda.” Tida ti nangyari hampay matupad ti isinurat sa Banal Kasuratan magkun, “Inayaw-ayaw nida kang manga rutay. Ilinaban nida sa lunggungan kang balukas sadsad.” Katida ngani ti binwat manga sundalu.

Huwan 19:28

Pagkatapus tunda, alam ni Hisus tapus yi ti tanan. Bag-u sinabi niya magkun, “Magkauwaw aku.” Tunda kay sinabi hampay lubus matupad ti isinurat sa Banal Kasuratan.

Huwan 19:36

Tunda ngani kanda binwat sa kan Hisus hampay matupad ti isinurat sa Banal Kasuratan magkun, “Una di usa ka but-ul niya dayu bariun.”

Binwat 1:11

Magkun sida sa manga apustul, “Kamu pag manga lalaki taga Galiliya, hayga kamu matindugan diman mabantayan atag sa langit? Inda pag Hisus ti dinara ginan sa kanyu atag sa langit, sumitay maan parihu sa kanyu nakitan sa kay nag-atag sa langit.”

Binwat 1:9

Pagka sinabi ni Hisus tunda, sa kanda gin atubangan dinara siya atag tungud, nakublian siya rurum udyi mag-akitan nida mata.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

2 Kurintu 12:2

May kilala aku usa ka tawu napasakup sa kan Kiristu. Dinara siya atabug sa ikatlu pag langit, sampulu yi may upat ka timpu ti nakalawuy taynguna tugka. Unman lang niku mapihu nu ngatay ipinakakit Panginuun tunda aw ngatay tutuu tunda nangyari sa kanya. Diyus lang ti makaalam.

Ipisu 3:19

Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.

Kulusas 1:19

Kay nagustuhan Diyus nu kabitay siya kay pagka-Diyus pagkatunda diman kay Anak.

Kulusas 2:9

Dahil pagka nabilug tawu si Kiristu, sa kanya diman ti kalubusan Diyus.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Hibriyu 4:14

Pagpakarig-un kita sa kanta pagsarig. Dahil kita may pangulu manughandug sa Balay Diyus sinmulud sa langit atag sa atubangan Diyus, si Hisus yi ngani, ti Anak Diyus.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Hibriyu 8:1

Inda yi ngani ti katutuuhanan sa tanan kanmi sinabi. Kita ungud may pangulu manughandug matukawan ati sa langit baliwa sa sikun Diyus minsan sa Karampatan Diyus sa maghari.