Ipisu 4:1 - Hanunuu

¹ Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 4:1 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Hirimyas 38:20

Magkun si Hirimyas, “Balaw duy kawu ipakaun sa kanda nu sundun lang nimu ti Panginuun. Maribri di duy kanmu buhi ag unman may una hintay ti mangyari sa kanmu.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ruma 11:29

Dahil ti Diyus unman magkauman kay inisip tungkul sa kay manga ipinakaun pag kaayadan hanggan tungkul sa kay manga pinili pag manga tawu.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

1 Kurintu 4:16

Inda kang pagsabihun ngani sa kanyu, kamu paghuwad sa kangku.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Galasya 4:12

Manga patar-ari, ungud yi gid inda kang pagsabihun sa kanyu, pagga kangku kamu dahil aku ga kanyu yi waydi. Unman kamu may binwat daut sa kangku una di.

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Ipisu 4:4

Kita ti manga magsarig usa lang ka bilug, usa lang ka Ispiritu ti nangulian sa kanta. Usa lang kanta pagsarigan pagka kita kay tinawag.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 3:14

Nakan magparargu aku sa katugkaan hampay tanggapun niku ti pirimyu, nu magtawag yi aban ti Diyus sa kangku ag butungun aku ni Kiristu Hisus tabug sa langit.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 2:6

Nagpasakup yi kamu sa kan Kiristu Hisus sa kanyu Panginuun, nakan pag-ugali kamu magpakiusa sa kanya.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Titu 2:10

Sabihi nimu sida danga maggawhin. Kailangan paglubus masarigan sida hampay sa tanan nida ugali pag-ipakakit nida ti kaayadan kay pag-itudlu Diyus imaw kanta Manugribri.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

2 Huwan 1:5

Taynguna duy, aku may ipaalaala sa kanmu, bukun lang bag-u pag sugu kang isinurat sa kanmu, nu unman tunda diman pag daan sugu sa kanta yi ginan waya sa kabag-u magkun, pagmalahalan kita sa usa kag sa usa.