Ipisu 3:7 - Hanunuu

⁷ Sa kay mayad pag nabubut-un Diyus may binwat siya makamaskihan buwat sa kangku ag kay binwat aku manugtudlu Mayad pag Barita.

Ipisu 3:7 Iomraidhean Croise

Isayas 43:13

Ginan waya kaybi aku yi ti Diyus. Unman may makapalagiw ginan sa kang manga kamang. Unman may makauman sa kang manga pagbuwatun.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

1 Kurintu 3:5

Hintay nguna si Apulus, hintay nguna si Pablu? Kami parihu diman suruguun lang Diyus. Dahil sa kanmi tudlu kamu nagsarig sa kan Kiristu. Parihu kami magtupad sa buruwatun kay inintirga Panginuun sa kanmi.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

Galasya 2:8

Diyus ti nagpakaun karampatan sa kan Pidru hampay mag-apustul sa manga Hudiyu, imaw diman ti nagpakaun karampatan sa kangku hampay mag-apustul sa manga balaw Hudiyu.

Ipisu 1:19

hanggan kay unman may katapusan ag makamaskihan buwat niya sa kanta sa manga nagsarig sa kanya. Imaw diman pag kamaskihan

Ipisu 3:2

Siguru naalaman yi niyu kuntay dahil sa mayad pag nalub-anan Diyus ipiniyar niya sa kangku inda pag katungkulan para sa kanyu pag kaayadan.

Ipisu 3:20

Ti Diyus gid ti makabuwat subra man sa tanan nita mahagad ag maisip, dahil kay kamaskihan tig hari sa kanta.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Ipisu 4:16

Sa panab-anan niya magkaminsan ti bilug may manga gamit sinugdung-sugdung manga kaluas-luasan. Si Kiristu tigpakaun kabisugan sa kada gamit hampay makatupad sa kay katungkulan bag-u ti buu bilug dumaka ag bumisug sa pagmahal.

Kulusas 1:29

Nakan purus yi gid aku sa kang magpakibudlay angay sa daka gid pag kamaskihan kay pakaun ni Kiristu sa kangku.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.