Ipisu 3:5 - Hanunuu

⁵ Inda pag madalum pag katutuuhanan unman ipinaburayhaw sa manga tawu ati katpung kaybi pag udas. Dapat kainda kay ipinakilala yi Ispiritu Banal sa kay manga sakup niya, sa kay manga apustul, hanggan purupita.

Ipisu 3:5 Iomraidhean Croise

Isayas 52:15

Hanggan ti manga nasyun madulaw sa kanya. Ti manga hari dayu makabagaw dahil sa kanya, dahil makitan nida ti manga bagay udwaya nasabi sa kanda. Ag masalman nida ti manga udwaya nasaydan nida pag bagay.”

Matiyu 13:17

Ungud duy kang pagsabihun sa kanyu, aduk pag manga purupita hanggan manga matadlung pag manga tawu kaybi magkaibug mana makakit sa kanyu nakitan, dapat unman nakitan nida. Magkaibug sida mana makadnug sa kanyu mag-adnugan, dapat unman nida nadnugan.”

Matiyu 20:7

Sinabi nida sa kanya magkun, ‘Dahil unman may pinmatarabahu sa kanmi.’ Sinabi niya sa kanda magkun, ‘Pag-atag kamu sa ubasan.’

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Lukas 10:24

Dahil kang gid pagsabihun sa kanyu, mayamu pag manga purupita hanggan manga hari ti naggagad sa kanyu mag-akitan mata dapat sida udyi nakakit, kanda mana gustu sida makadnug dapat udyi sida nakadnug.”

Lukas 11:49

Nakan ngani magkun ti Diyus angay sa sadili kadunungan, ‘Sumugu aku manga purupita, manga manugtudlu sa kanda. Ti iba kanda matyun, kay iba unu-unuhun.’

Huwan 14:26

Dapat suguun Ama ti Manug-awat ti Ispiritu ngani Banal sa kanyu sa manga napasakup sa kangku. Itudlu niya sa kanyu ti tanan pag manga bagay. Umawat siya sa kanyu hampay balaw malimtan niyu ti tanan manga itinudlu niku sa kanyu.

Huwan 16:13

Nu rumas-ug ti Ispiritu, siya ti tumudlu katutuuhanan tungkul sa Diyus, tudluan diman niya kamu sa tanan katutuuhanan ginan sa Diyus. Unman siya bumagaw nu ginan lang sa kay sadili. Ipadakit niya kay manga nadnugan ag ipaalam niya sa kanyu ti manga mangyari aban.

Binwat 10:28

Bag-u sinabi ni Pidru sa kanda magkun, “Magkaalaman diman waydi niyu nu angay sa surundanun manga Hudiyu bawal gid ti usa ka Hudiyu magsabang una magpaminsan sa manga balaw Hudiyu. Dapat ipinakilala Diyus sa kangku danga yi kunu pagsabiha niku may turun-anun waya aku una sa kantapu pag tawu.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 2:10

Tunda pag manga ihinanda Diyus, imaw ti ipinakilala Ispiritu sa kanta. Dahil suyasid di Ispiritu ti tanan manga bagay una madalum pag katutuuhanan Diyus.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

2 Pidru 3:2

Isipa niyu ti manga binagaw kaybi manga purupita lubus napasakup sa Diyus. Isipa diman ti ibinilin nita Panginuun imaw ngani ti Manugribri. Tunda pag manga ibinilin nadnugan niyu ginan sa kanyu manga apustul.

Hudas 1:17

Dapat duy, mahal niku pag manga patar-ari, alalahana di niyu ti ipinurupita manga apustul nita Panginuun Hisu-Kiristu.