Ipisu 3:1 - Hanunuu

¹ Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Ipisu 3:1 Iomraidhean Croise

Lukas 21:12

“Dapat bag-u mangyari tunda, dakpun kamu ag unu-unuhun bistahun kamu sa simbahan manga Hudiyu bag-u pirisuhun. Daran-un kamu sa atubangan manga hari, manga gubirnadur dahil sa kanyu pakiusa sa kangku.

Binwat 21:33

Nagpakarani ti kumandir bag-u kay dinakup si Pablu, kay ipinagapus duwa ka tarikada. Nagpaingana ti kumandir magkun, “Si unu inda pag tawu, hintay lugud kay binwat?”

Binwat 23:18

Nakan inibahan ngani siya kapitan atag sa kumandir. Magkun ti kapitan, “Ti pirisu si Pablu nagtawag sa kangku, ibahi kunu niku inda pag kan-akan sitay tag sa kanmu, dahil may isabi kunu siya sa kanmu.”

Binwat 26:29

Sinmagut si Pablu magkun, “Kawu hanggan ti tanan nakadnug sa kang binagaw taynguna kang gid pag-idarangin sa Diyus hampay una dugay una ngalay kamu pagga kangku waydi, purya lang inda pag manga tarikada.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

2 Kurintu 1:6

Nu kami waydi ti basad kakurian, tunda sa ikaariwaya ngap niyu naisipan ag sa ikaribri niyu. Pagka kami pinaariwaya, tunda sa ikaariwaya diman niyu naisipan. Bumisug kamu nu tis-un niyu ti manga kakurian malakawan niyu parihu sa kanmi paglakawan.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Kurintu 11:23

Sida aw manga suruguun ni Kiristu? Magbagaw aku ga usa ka paung-paung, dapat aku lalu man mayad pag suruguun ni Kiristu balaw lang ga kanda. Subra man sa kanda kang nagbudlay, balaw lang pira ka pag-ulit aku napirisu, lagat-lagat paglipgutun, pirmi arani yi sa kamatayan.

Galasya 5:11

Manga patar-ari, nu abi ga kanda pagkumnun ungud pag-itudlu niku kuntay kailangan turiun ti tawu, hayga pag-unuunuhun diman aku taynguna tugka? Nu abi tutuu tunda kang pag-itudlu, udyi mana pagkadat-an manga tawu kang pag-itudlu tungkul sa kay kamatayan ni Kiristu sa kurus.

Galasya 5:2

Malu, aku ngani si Pablu ti magsabi sa kanyu, nu pumaturi kamu, unman mapakinabangan niyu si Kiristu.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 3:11

Kaybi waya ginan daan di kay ginayak Diyus pag turunu kay ipinatupad kainda sa kanta Panginuun Kiristu Hisus.

Ipisu 3:13

Nakan ngani kang pagsabihun sa kanyu, danga malubay kanyu naisipan dahil sa kakurian kang pag-agwantahun tungkul sa kanyu. Inda nakan sa ikadayaw ngap niyu.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Kulusas 4:18

Aku si Pablu ti may surat inda pag kamusta. Alalahana di niyu aku sa pirisuhan. Pagsa kanyu ti papalad Diyus.

Kulusas 4:3

Kada kamu magdarangin, idarangin diman niyu kami hampay pakan-an kami Panginuun rugar sa makatudlu kay Bagaw ag hampay maipakilala ti madalum pag katutuuhanan ni Kiristu. Dahil sa kang magtudlu nakan aku pinirisu taynguna.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

Pilimun 1:1

Inda ti may surat si Pablu, ti napirisu dahil ngani sa kan Kiristu Hisus, hanggan kanta patar-ari si Timutiyu. Inda pag surat tag sa kanmu, Pilimun, sa kanmi pagmahalun pag kaawat sa buruwatun,

Pilimun 1:23

Magpaingana si Ipapras nu kabitay kawu duy asan. Minsan kabay kami napirisu dahil sa kan Kiristu Hisus.

Pilimun 1:9

Dapat dahil sa kang pagmahal gid sa kanmu, nakan lalu kang gustu magpakihampang gid sa kanmu inda. Aku si Pablu, bilang usa ka gurangun, ti sinugu ni Kiristu Hisus, madi taynguna aku usa ka pirisu dahil sa kanya.

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.