Ipisu 2:5 - Hanunuu

⁵ Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Ipisu 2:5 Iomraidhean Croise

Lukas 15:24

Dahil sitay kang anak tigbak, dapat nabuhi uman. Kabag-u nadura, dapat nakitan maan.’ Nakan nagbaya gid sida.

Huwan 5:21

Dahil nu kabitay pagbuhiun uman Ama ti manga namatay, katunda diman waydi pagbuhiun uman Anak una hintay pag tawu kay gustu buhiun uman.

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Binwat 15:11

Danga duy katida. Kita nagsarig sa kan Hisus bag-u kita irinibri dahil sa kay pangaawa Panginuun Hisus. Katunda diman ti manga balaw Hudiyu nu magsarig sida sa kan Hisus.”

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

Ruma 3:24

Dahil sa pangaawa Diyus kinilala niya sida matadlung. Si Kiristu Hisus ti nagribri sa kanda.

Ruma 4:16

Nakan ngani ti taratu sigun sa pagsarig hampay ti pangaawa Diyus pihu kay itinaratu ipakaun sa kay linahi ni Abraham, balaw lang sa manga magtupad sa Kasuguan nu unman sa tanan manga magsarig sa Diyus parihu sa kan Abraham. Siya kabay kanta pinagkagurang nu angay sa pagsarig.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 5:6

Dahil sa kay taning pag kaudasan, pagka unman kakayakaya waya kita, si Kiristu namatay hampay mabawi niya ti manga makasalanan.

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

Titu 2:11

Dahil ipinakakit Diyus kay pangaawa sa ikaribri tanan tawu.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

Ipinakakit 22:21

Ti tanan tawu napasakup sa Diyus kang pag-idarangin hampay papaladan sida Panginuun Hisus.